Burgenland

Burgenland Gradišće
Bandera Armarria
Estatua	Austria
Hiriburua	Eisenstadt
Azalera	3.966 km²
Gobernadorea	Hans Niessl
Biztanleria Dentsitatea	284.900 (-) 71 bizt/km²
ISO 3166-2	AT-1
Web	www.burgenland.at

Burgenland (kroaziera:Gradišće) Austriako estatu federala da. Herrialdearen ekialdean dago. 3.965 km² ditu (Austriako estaturik txikiena da), eta 284.900 biztanle.

Hiriburua Eisenstadt da.

Geografia

Mur ibaia eta Hungariako muga arteko ordokiaren artean hedatzen da Burgenland.

Ekonomia

Nekazari lurralde aberatsa da: laboreak, ardoa, fruituak eta tabakoa. Lignito eta petrolio hobiak ditu.

Historia

1918 arte, Hungariako lurraldea izan zen. Estatu hau Trianongo Itunean (1920) Austriari egokituriko Hungariar lurraldeek osatu zuten. Habsburgotarrak erori zirenetik, Austriaren eta Hungariaren arteko mugak gatazka askoren iturri izan dira (Sopron hiria Hungaria barnean geratu zen, 1921eko erreferendumaren ondoren).

Irudi galeria

• 

  Burgenlanden eskualdeak eta barrutiak

• 

  Landseeren ikuspegia

• 

  Lange Lacke aintzira

• 

  Eisenstadten ikuspegia

Kanpo loturak

• (Alemanez) Burgenlanden webgune ofiziala

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.