Carol Guzy

Wikipedia, Entziklopedia askea
Carol Guzy
Bizitza
JaiotzaBethlehem (Pennsylvania), 1956ko martxoaren 7a (68 urte)
Herrialdea Ameriketako Estatu Batuak
Hezkuntza
HeziketaThe Art Institute of Fort Lauderdale (en) Itzuli
Northampton Community College (en) Itzuli
Hizkuntzakingelesa
Jarduerak
Jarduerakargazkilaria, fotokazetaria eta kazetaria
Enplegatzailea(k)The Miami Herald
The Washington Post
Jasotako sariak
carolguzy.com
Instagram: carolguzy Edit the value on Wikidata

Carol Guzy (Bethlehem, Pensilvania, 1956ko martxoaren 7a) fotokazetari estatubatuarra da.

Miami Herald eta The Washington Post kazetetan hainbat urtez lan egin ondoren, Zuma Press agentziako kazetari independentea da 2017az geroztik.

Gatazka armatuei eta hondamendi naturalei buruzko erreportajeek sari ugari eman zizkioten; besteak beste, lau Pulitzer sari, Visa pour l'image jaialdian Urrezko Bisa, eta National Press Photographers Association-ek hiru aldiz izendatu izan du urteko kazetari.

Biografia[aldatu | aldatu iturburu kodea]

Gaztaroa eta ikasketak[aldatu | aldatu iturburu kodea]

Carol Guzy 1956ko martxoaren 7an jaio zen, Bethlehem-en, Pensilvanian. Sei urte besterik ez zituela hil zitzaion aita. Joskintzako lantegi batean lan egiten zuen amarekin eta 14 urteko arreba zaharragoarekin hazi zen.[1]

Lehenik, erizaintzako ikasketak egin zituen Northamptongo ikastetxe komunitarioan. 1977an graduatu zen, baina bide hori baztertu zuen, ez zituelako lanbideari lotutako erantzukizunak soportatzen eta norbait hilko zuen beldur zelako.[1]

Argazkigintzarekiko grina mutil-lagunak argazki-makina bat oparitu zionean deskubritu zuen. Floridara joan zen 1980an, Argazkigintzako zientzia aplikatuetan prestatzeko diploma bat pasatzera, Art Institute of Fort Lauderdale ikastetxean. Walter Michotek, bere irakasle eta Miami Heraldeko argazkilari esperientziadunak, fotokazetaritzara lotu zuen.[2]

Erizaintzan egin zituen ikasketak ez ziren alferrekoak izan. 2001ean, Northamptonen, ikastetxea omenaldia egiten ari zitzaiola, adierazi zuen erizain-ikasketek “giza sufrimendua ulertzen eta izugarri sentibera izaten lagundu ziotela. [Berak badaki] hondo hori gabe, bere argazkiek beste itxura bat izango zuketela».

Kazetaritza-ibilbidea[aldatu | aldatu iturburu kodea]

Carol Guzyk Miami Heralden hasi zuen ibilbidea, non bi praktikaldi egin baitzituen ikasten ziharduen bitartean.

1985ean, Kolonbiara bidali zuten Michel du Cille-rekin, Nevado del Ruiz sumendiaren erupzioaren ondorioen eta Armero hiria irentsi eta 20.000 pertsona baino gehiago hil zituen galda lohitsuen berri emateko. Erreportaje horri esker, uneko argazkiaren (spot news) lehen Pulitzer saria irabazi zuen egunkariak.[3]

1988an, Jonathan Utz United Press International eta Agence France-Presse agentzietako argazkilariarekin ezkondu zen. Miami Herald utzi zuen Washingtonera joateko. Han, berehala sartu zen Washington Post egunkariko taldean, Nancy Andrews, Lucian Perkins eta Michael Williamsonen ondoan. Haitiri buruzko berriak ematen hasi zen, hauteskundeen ondoren gertatutako indarkeria eta istilu politikoak zirela eta. 1995ean, bigarren Pulitzer saria eta Visa pour l'image-eko Urrezko Bisa jaso zituen, tropa estatubatuarren esku-hartzeari eta Jean-Bertrand Aristiden lehendakaritzako inbestidurari buruzko lanagatik.[4][5]

1999an, Kubánovoko akordio militar eta teknikoak milaka pertsona behartu zituen Kosovo hamaika egunetan uztera.[6] Carol Guzyk, Michael Williamson eta Lucian Perkinsekin batera, errefuxiatu hauen zoriaren berri eman zuen. Haien argazki batekin 2000ko Pulitzer Saria irabazi zuten: bi urteko Agim Shala ageri da gurasoen besoetatik aitona-amonenetara igarotzen Albaniako Kukes kanpamentuko hesi arantzadunen gainetik.[7]

2010ean, Haitira itzuli zen, Nikki Kahn eta Ricky Cariotirekin, uhartea suntsitu zuen lurrikararen ondoren. Erreportajea hondamendiak eragindako oinazearen eta etsipen handiaren isla da, eta, ondoko urtean, beste Pulitzer Sari bat irabazi zuten.[8][9]

2018an, Robert Capa urrezko domina jaso zuen, aparteko balioa eta enpresa-espiritua eskatzen duen argazkia ohoratzen duena, Estatu Islamikoaren aurkako gerrak Irakeko Mosuleko zibilengan izan zituen ondorioak dokumentatzeko egindako ahaleginagatik.[10]

Carol Guzyk hauek hartu zituen argazkitan, besteak beste: New Yorkeko suhiltzaileen lana 2001eko irailaren 11ko atentatuen ondoren; gosea Etiopian; gerra zibilak Somalian, Sierra Leonan eta Ruandan, eta baita Andrew urakanaren ondorioak ere Floridan.[11]

Bere lanak, besteak beste, National Geographic, CBS News, The Wall Street Journal edo ESPN kazetek argitaratu zituzten.[12][13][14][15]

Sariak eta goraipamenak[aldatu | aldatu iturburu kodea]

  • 1986: Pulitzer Prize for Spot News Photography, Michel Ducillekin, The Miami Herald[3]
  • 1990, 1993, 1997: National Press Photographers Association elkartearen urteroko lehiaketaren urteko argazkilaria
  • 1995: Pulitzer Prize for Spot News Photography, The Washington Post[5]
  • 1995: Visa d’or Paris Match News, The Washington Post, Reuters[4]
  • 2000: Pulitzer Prize for Feature Photography, Michael Williamson eta Lucian Perkinsekin, The Washington Post[7]
  • 2009: Best of Photojournalism, Enterprise Picture Story, National Press Photographers Association
  • 2009: Robert F. Kennedy Journalism Award (nazioarteko argazkilaritza)[16]
  • 2009: The Hillman Prize, fotokazetaritza[17]
  • 2011: Pulitzer Prize for Breaking News Photography, Nikki Kahn eta Ricky Cariotirekin, The Washington Post[8]
  • 2012: Photographer of the Year, Photo Imaging Manufacturers et Distributors Association (PMDA) annual awards[18]
  • 2013: Missouri Honor Medal for Distinguished Service in Journalism «En reconnaissance de son utilisation créative et raisonnée de la caméra dans la recherche de la compassion et de la justice sociale»[19]
  • 2018: Robert Capa Gold Medal Award[20]
  • 2019: Al Neuharth Award for Excellence in the Media presented by the Newseum (Washington, D.C.)[21]

Erreferentziak[aldatu | aldatu iturburu kodea]

  1. ↑ a b Behind the Lens: Carol Guzy's Pulitzer-Prize Winning Photography (Full-Screen Slideshow) | Washingtonian (DC). 2011-07-27.
  2. ↑ Carol Guzy ’77 | Northampton Community College. .
  3. ↑ a b 1986 Pulitzer Prizes. .
  4. ↑ a b «Le palmarès» Visa pour l'image 1995-09-13.
  5. ↑ a b Carol Guzy of The Washington Post. .
  6. ↑ Un «accord militaire et technique» concis. Les Serbes ont onze jours pour quitter le Kosovo, la Kfor se déploiera en trois zones.. 1999-06-10.
  7. ↑ a b 2000 Pulitzer Prizes. .
  8. ↑ a b «Le cru 2011 des Pulitzer» Pulitzer 2011-04-19 ISSN 1423-3967..
  9. ↑ 2011 Pulitzer Prizes. .
  10. ↑ Awards Recipients. .
  11. ↑ Africa, the Long Road Home: from Famine to Reconciliation, 1992-1996. .
  12. ↑ She Photographs Crises So Victims Aren’t Forgotten. 2018-06-19.
  13. ↑ Pulitzer Prize-winning photographer Carol Guzy. .
  14. ↑ Journal, Matthew RoseStaff Reporter of The Wall Street. (2000-04-11). «Journal Wins Two Pulitzer Prizes For Column, National Reporting» Wall Street Journal ISSN 0099-9660..
  15. ↑ ESPN The Magazine Masthead. 2019-08-30.
  16. ↑ rfk. 2009: Carol Guzy, "Birth and Death" Washington Post - Robert F. Kennedy Center for Justice & Human Rights - Robert F. Kennedy Center for Justice & Human Rights. ..
  17. ↑ The Hillman Prize Previous Honorees. ..
  18. ↑ 2012 PMDA Award Winners Named. 1er novembre 2011..
  19. ↑ 2013 Recipients of the Missouri Honor Medal for Distinguished Service in Journalism Announced. ..
  20. ↑ 03 The Robert Capa Gold Medal Award. .
  21. ↑ Institute, Freedom Forum. Carol Guzy Receives 2019 Al Neuharth Award for Excellence in the Media | Freedom Forum Institute. .
  22. ↑ 2022 Anja Niedringhaus Honorees - IWMF. .

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Carol_Guzy&oldid=9647958"(e)tik eskuratuta