Chiba (prefetura)

Wikipedia(e)tik
Hona jo: nabigazioa, Bilatu

Chiba prefetura
千葉県

bandera
Bandera
Estatua JaponiaJaponia
Hiriburua Chiba
Eskualdea Kantō
Map of Japan with highlight on 12 Chiba prefecture.svg
Azalera
5.156,60 km²
Biztanleria 6201046 (2010)
Uhartea Honshu
Chiba prefeturako mapa

Chiba prefetura (千葉県 Chiba-ken?) Japoniako Honshu uharteko ekialdeko prefetura bat da. 2010ko erroldaren arabera 6.201.046 biztanle ditu. Hiriburua Chiba hiria da.

Historia[aldatu | aldatu iturburu kodea]

Chibako prefetura 1873ko ekainaren 15ean ezarri zen, Kisarazu eta Inba prefeturen bat egitetik.

1923an, lurrikara bortitz batek txikizio handiak eragin zituen lurraldean, batez ere Bōsō penintsularen parterik hegoaldekoenean, eta 1.300 pertsona hil ziren.

1930eko hamarkadan, prefeturako iparraldean eta erdialdean eskala handiko produkzio militarrerako gune bilakatu zen, eta base militarrak eta gotorlekuak eraiki ziren. Bigarren Mundu Gerran, Estatu Batuek su-bonbez eraso zioten, batez ere Chiba eta Chōshi hiriei, eta prefeturako iparraldeko industria-egitura eta azpiegituren parte handi bat birrindua izan zen.

Gerra ondoren, industriaren hedatze-plan zehatzak egin ziren prefeturako iparraldean, eta nekazaritza-produkzioa nabarmen handitu zen prefetura osoan lurraren erreformak egin ondoren. Prefeturaren ipar-ekialdeko hiriak, Tokiotik gertu daudenak, trenbidez lotu ziren hiriburuarekin, eta Tokio inguruko lo-hiri bilakatu ziren.

1978an Narita nazioarteko aireportua hasi zen lanean, eta, gaur egun, Chiba prefetura da nazioarteko aireko trafikoa Japoniara sartzeko bide nagusia.

Geografia[aldatu | aldatu iturburu kodea]

Chiba prefeturaren mugak hauek dira: iparraldean, Ibaraki prefetura; mendebaldean, Tokio eta Saitama prefeturak; ekialdean, Ozeano Barea; eta hegoaldean, Tokioko Badia.

Chibaren parterik handiena Bōsō penintsulan dago. Arroza egiteko toki egokia da, batez ere ekialdeko kostaldea.

Ekonomia[aldatu | aldatu iturburu kodea]

Chiba prefetura Japoniako gunerik industrializatuenetako bat da. Bigarren Mundu Gerraren ondoren, manufaktura-industria azkar hedatu zen, eta, gaur egun, industria petrokimikoa, kimikoa, altzairugintza eta makinagintza dira industria-sektore nagusiak. Nekazaritza ere oso garatuta dago; batez ere, barazkiak, artoa, arroza eta kakahueteak ekoizten dira.

Hiriak eta herriak[aldatu | aldatu iturburu kodea]

Hiriak[aldatu | aldatu iturburu kodea]

  • Hiri handienak
  1. Chiba (hiriburua, 962.130 biztanle)
  2. Funabashi (609.081 bizt.)
  3. Matsudo (484.639 bizt.)
  4. Ichikawa (474.926 bizt.)
  5. Kashiwa (404.079 bizt.)
  6. Ichihara (279.601 bizt.)


  • Chiba prefeturako hiri guztiak:

Herriak barrutika sailkatuta[aldatu | aldatu iturburu kodea]

Kyonan
Chōnan
Chōsei
Ichinomiya
Mutsuzawa
Nagara
Shirako
Sakae
Shisui
Onjuku
Ōtaki
Kōzaki
Tako
Tōnoshō
Kujūkuri
Shibayama
Yokoshibahikari

Ondasun nabarmenak[aldatu | aldatu iturburu kodea]

Iruditegia[aldatu | aldatu iturburu kodea]

Hiri senidetuak[aldatu | aldatu iturburu kodea]

Kanpo-loturak[aldatu | aldatu iturburu kodea]

Commonsen badira fitxategi gehiago, gai hau dutenak: Chiba (prefetura) Aldatu lotura Wikidatan