Ryukyu uharteak

Wikipedia(e)tik
Hona jo: nabigazioa, Bilatu
Ryukyu uhartearen kokapena

Ryukyu uharteak[1] (琉球諸島 Ryūkyū-shotō?) edo Nansei uharteak (南西諸島 Nansei-shotō?, "Hego-mendebaldeko Uharteak") , Japoniako uhartedirik hegoaldekoena da, gutxi gora-behera 4700 kilometro karratuko hedadura duena, ryukyuera hitz egiten den tokia dena eta, antzina, Ryukyuko erresumaren zati zena. Uhartedi hau, Txinak aldarrikatu du Lu-Chu izenarekin. Uharteak, Ekialdeko Txinako Itsasoa eta Ozeano Barearen artean daude.

Okinawa da uhartedi honetako uharterik garrantzitsuena.

Historia[aldatu | aldatu iturburu kodea]

Ryukyu uharteen bandera 1875 eta 1879 bitartean.

Uhartediaren zatirik handiena, Yonagunitik hego-mendebaldean Amami Oshimaraino iparraldean hartzen zuen Ryukyuko erresuma independente bat existitu zen. XVII. mendean, txinatar enperadorearen erresuma zergari estatusa lortu zuen (enperadorea, teorikoki behintzat, bere laguntzan joan behar zuena hala behar izanez gero). 1609an, Satsumatik, Kyushun abiatu zen espedizio batek, erresuma harrapatu zuen. Horren ondoren, Ryukyuko erregeak, Japoniako Enperadorearen zergari izatera ere pasa ziren.

1879an, Japoniako Meiji gobernuak, uharteen eranstea iragarri zuen. Txinak horren aurka egin zuen, eta, beraz, garai hartan AEBetako presidentea zen Ulysses S. Grant, bi aldeen artean bitartekari lana egiteko deitua izan zen, azkenik, Japoniaren alde eginez.

1945ean Bigarren Mundu Gerra amaitu ondoren, uhartedia AEBek administratu zuten. Amami taldeko uharteak, Japoniari 1953an itzuli zizkioten, eta Kagoshima prefekturako zati dira. Uhartediko gainontzeko uharteak, Okinawa izan ezik, 1967an itzuliak izan ziren. Okinawa, ez zen 1972rarte itzuli.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Ryukyu uharteak Aldatu lotura Wikidatan