Ernst Werner von Siemens

Wikipedia(e)tik
Hona jo: nabigazioa, Bilatu
Ernst Werner von Siemens
Ernst Werner von Siemens
Datu pertsonalak
Izen osoa Ernst Werner von Siemens
Jaio 1816ko abenduaren 13a
Lenthe (Alemania)
Hil 1892ko abenduaren 6a
Berlin (Alemania)

Ernst Werner von Siemens (Lenthe, 1816ko abenduaren 13aBerlin, 1892ko abenduaren 6a) asmatzaile eta enpresaburu alemaniarra zen. Siemens izena konduktantzia elektrikoaren unitatetzat hartu da Nazioarteko Unitate Sisteman: siemensa.

Biografia[aldatu | aldatu iturburu kodea]

Lenthe-n jaio zen, Hannover-etik hurbil, 1816ko abenduaren 13an. Lau anaiatik zaharrena izan zen, guztiok ingeniariak eta industria-gizonak. Bere familiak ez zuen aukerarik ikasketa on batzuk ordaintzeko eta artilleria-akademian sartu zen. 1847an telegrafo mota berri bat eraiki zuen, Siemens AG enpresaren sorkuntzan lehen urratsak emanez, Johann Georg Halske-rekin batera. Garai horietan Telegraphen-Bauanstalt von Siemens & Halske deitzen zen enpresa.

1888an noblezian sartu zen, eta "Siemens" abizena "von Siemens" izatera pasatu zen. 1892ko abenduaren 6an hil zen Berlinen.

Asmakizunak[aldatu | aldatu iturburu kodea]

1841an galbanizazio prozesu bat garatu zuen, 1846an orratz eta presiozko telegrafoa eta kable elektrikoak isolatzeko sistema bat gutapertxa erabiliz, itsas-azpiko kableen eraikuntza baimendu zuena.

Dinamoaren egilea da eta linea telegrafikoen aitzindaria ere izan zen. Irlanda-AEB linearen arduradun bezala aritu zen Faraday itsasontzitik, 1874an lanak hasi zirenetik, eta ondoren, Britainia Handia-India lineaz ere arduratu zen (1870).

Lehen lokomotorra elektrikoa aurkeztu zuen bere enpresak 1879, besteak-beste Londresko metroa lur azpian eraikitzea bideragarri egin zuena.

Garrantzia elektrizitatearen historia[aldatu | aldatu iturburu kodea]

Bere asmakuntza elektrikoen barnean dinamoa eta gutapertxaren erabilera (latexetik ateratako substantzia plastikoa) nabarmen genezake. 1887an Fisika eta Teknikako Institutu Inperialaren sorkuntzan parte hartu zuen, Karl-Heinrich Schellbach eta Hermann von Helmholtz-ekin batera Berlin-Charlottenburg auzoan. Urte bat geroago noblezia titulua jaso zuen.

Ikus gainera[aldatu | aldatu iturburu kodea]

Commonsen badira fitxategi gehiago, gai hau dutenak: Ernst Werner von Siemens Aldatu lotura Wikidatan