Georges Clemenceau

Wikipedia(e)tik
Hona jo: nabigazioa, Bilatu
Georges Clemenceau
Georges Clemenceau

1906ko urriaren 25a – 1909ko uztailaren 24
Presidentea Armand Fallières
Aurrekoa Ferdinand Sarrien
Ondorengoa Aristide Briand

1917ko azaroaren 16a – 1920ko urtarrilaren 20a
Presidentea Raymond Poincaré
Aurrekoa Paul Painlevé
Ondorengoa Alexandre Millerand

Jaiotza 1841eko irailaren 28a
Mouilleron-en-Pareds, Vendée
FrantziaFrantzia
Heriotza 1929ko azaroaren 24a
(88 urte)
Paris
FrantziaFrantzia
Alderdi Politikoa Alderdi Erradikala
Lanbidea Mediku, egunkari argitaratzaile
Web http://musee-clemenceau.fr/

Georges Benjamin Clemenceau (Mouilleron-en-Pareds, 1841eko irailaren 28a - Paris, 1929ko azaroaren 24a) mediku, kazetari eta politikari frantziarra izan zen. Bi agintaldi ezberdinetan zehar Frantziako Errepublikako Lehen Ministroa izan zen (1906-1909 eta 1917-1920). Bere garaian eta bereziki Lehen Mundu Gerra jazo zenean izandako paper erabakigarriari esker "le Tigre" (Tigrea) eta "le Père-la-Victoire" (Aita Garaipena) ezizenak bereganatu zituen.

Biografia[aldatu | aldatu iturburu kodea]

Medikua zen baina politikan parte hartu zuen bigarren inperioa erori zenean (1870eko irailaren 4). Erradikalen alderdiko diputatu hautatu zuten 1871n; ezker muturreko talde bateko partaide bihurtu zen 1876an eta hainbat ministro kendu zuen aginpidetik (Gambetta, 1882; Ferry, 1885).

Ezkerreko ideiak irmo zituenaren garaiko pasarte honetan, argi ikusten da zein zen kolonialismoaz zituen ideiak:

« Goi-mailako arrazak! Behe-mailako arrazak! Aise esaten da. Ni ez nator bat baieztapen horrekin, inondik ere, Alemaniako jakintsuek, arraza frantziarra alemaniarra bezain ona ez delako frogak emanda, gerran Frantzia garaitu behar zela zientifikoki frogatu zutenetik.

Ez dago goi-mailako nazio esaten zaien horiek behe-mailako nazio esaten zaien horien gainean duten inolako eskubiderik.(...)

Ez gaitezen saia, bada, indarkeria zibilizazioaren izenez mozorrotzen, ez dezagun eskubideez hitz egin, ezta betebeharrez ere. Iragartzen duzuen konkista abusu bat besterik ez da, zibilizazio zientifikoak garatu gabeko zibilizazioen gainean egin nahi duena, eta helburua da bertako gizakiak espolotatzea eta euren indar guztia erabiltzea zibilizatzera omen datorren onurarako

 »

Georges Clemenceau, Frantziako Diputatuen Ganberari, 1885eko uztailean.


Panamako iskanbilan esku hartu eta ingelesen aldeko agentetzat jo zuten; 1893ko hauteskundeak galdu zituen, eta ez zen 1898ra arte Frantziara itzuli (Dreyfus-en alde).

Senatari bihurtu zen 1902an eta Kontseiluburu eta Barne Ministro, berriz, 1906an. Elizaren eta Estatuaren banaketaren alde agertu zen. Gogor erantzun zien Pas-de-Calaisko meatzariei eta sozialisten etsaigoa jaso zuen. Berriz ere oposizioan zela, 1913an L´homme libre egunkaria sortu zuen (L´homme enchaîné izena jarri ziona Lehen Mundu Gerra hasi zen zentsura salatzearren). 1917an, Poincarék gobernuburu izendatu eta aliatuen gudarostearen burua Foch mariskal frantsesa izatea lortu zuen Clemenceauk. Versaillesko Bakea negoziatu ondoren (1919), errepublikako lehendakaritzarako hauteskundeak galdu zituen (1920).

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Georges Clemenceau Aldatu lotura Wikidatan

Erreferentziak[aldatu | aldatu iturburu kodea]