Gunma (prefetura)

Gunma prefetura 群馬県
Bandera
Estatua	Japonia
Hiriburua	Maebashi
Eskualdea	Kantō
Azalera	6.363,16 km²
Biztanleria Dentsitatea	2.024.135 (2005) 316,24 bizt/km²
Uhartea	Honshu

Gunma prefetura (群馬県, Gunma-ken) Japoniako Honshu uharteko prefetura bat da. Hiriburua Maebashi da.

Historia

Aztarna paleolitiko ugari aurkitu dira lurraldean. 1946an, Kasakake herrian, Iwajukun, kultura paleolitiko baten aztarnak aurkitu ziren, Japonian aurkitu diren lehenengoak.

Antzina, gaur egun Gunma prefeturaren lurraldea Kozuke probintzia izan zen.

Lehenengo zeta-fabrika modernoak Annakan eraiki ziren 1870eko hamarkadan, italiarren eta frantsesen laguntzaz.

Geografia

Kantō lautadako ipar-mendebaldeko muturrean dago. Prefeturak ez du kostalderik, eta aski menditsua da, erdialdean eta hego-ekialdean izan ezik, biztanle gehienak bizi diren partean, hain zuzen. Iparraldean Niigata eta Fukushima prefeturak ditu mugakide, eta Tochigi ekialdean. Mendebaldean, Nagano, eta, hegoaldean, Saitama.

Prefeturako ibai nagusiak Tone, Agatsuma eta Karasu dira.

Hiriak

Annaka Fujioka Isesaki Kiryū

Maebashi (hiriburua) Midori Numata Ōta

Shibukawa Takasaki Tatebayashi Tomioka

Gunma prefeturako mapa

Herriak

Agatsuma Higashiagatsuma Kusatsu Naganohara Nakanojō Takayama Tsumagoi Kanra Kanra Nanmoku Shimonita

Kitagunma Shintō Yoshioka Ōra Chiyoda Itakura Meiwa Ōizumi Ōra Sawa Tamamura

Tano Kanna Ueno Tone Katashina Kawaba Minakami Shōwa

Ekonomia

Gunmako industria modernoen artean aipatzekoak dira garraio-ekipamenduaren eta ekipo elektrikoen industriak; gehienak Maebashi hiriburuan daude, bai eta Tokiotik gertuen dagoen eskualdean ere, ekialdean. Ōta hiriari industriak eman dio ospea, bertan baitago Subaru automobil-industria. Industria tradizional nagusia zeta-harren haztegiak dira.

Kanpo loturak

• Gunma prefeturako webgune ofiziala (ingelesez)