Höðr

Wikipedia(e)tik
Hona jo: nabigazioa, Bilatu
Lokik Höðr engainatzen du Baldur hil dezan.

Höðr, eskandinaviar mitologian, jainko itsu bat zen, Baldurren anaia. Bere anaia nahi gabe hil zuen, eta bera, Odinen seme zen Valiren esku hil zen.

Eddatan kontatzen denaren arabera, Baldur jainkoak, bere heriotza propioa aurreikusten zuen amesgaiztoak zituen, eta bere ama, Frigg jainkosa, munduan zehar joan zen, gauza guztiei, Baldur kaltetuko ez zutela zin eginaraziz. Lokik hau jakin zuen, eta haserretu egin zen. Mozorrotuta joan zen Friggekin hitz egitera, eta honek, mihurari zin eginaraztea beharrezko ez zuela ikusi aipatu zion, kaltegabetzat baitzuen. Lokik, hau jakin zuenean, azkon bat egin zuen mihura adar bat erabiliz eta Höðr gidatu zuen, Baldurri txantxa bezala jaurti ziezaion, honela, Baldur hilez.

Gesta Danorumean kontatzen den mitoaren beste bertsio ezberdin batean, ez da Loki aipatzen, eta Baldur, Höðrrek hiltzen du sastakada batez.

Commonsen badira fitxategi gehiago, gai hau dutenak: Höðr Aldatu lotura Wikidatan