Hoggar

Wikipedia(e)tik
Hona jo: nabigazioa, Bilatu
Ahaggar mendigunearen kokapena

Hoggar[1] mendigunea (arabieraz: جبال هقار; tuaregen hizkuntzan: Idurar Uhagga), Ahaggar ere deitua, Aljeriako hegoaldeko mendilerroa, Aljerretik 150 km hegoaldera. Ahaggar Aljeriako helburu turistiko garrantzitsuenetako bat da.

Geologia[aldatu | aldatu iturburu kodea]

Eskualdeak 900 metroko batez besteko garaiera du, eta punturik garaiena Tahat mendia da, Atakorren erdian. 3.003 metroko garaiera du, eta Aljeriako gailur garaiena ere bada. Mendigunea, batez ere, harkaitz bolkanikoz osatuta dago, eta Saharako basamortuan eskualde harritsu zabala osatzen du.

Klima[aldatu | aldatu iturburu kodea]

Klima oso beroa da udan, baina neguan, gauez, tenperatura 0 °C-raino jaisten da. Euria urria da, noiz behinkakoa. Hala ere, klima ez da Saharako beste leku batzuetakoa bezain muturrekoa, eta hori dela eta, biodibertsitate handia du.

Herri nomadak[aldatu | aldatu iturburu kodea]

Ahaggar mendigunea Imuhagh edo Kel Ahaggar herriaren, tuaregen tribu baten lurra da. Tamanrasset hiritik hurbil dagoen Abalasa oasian Tin Hinan erreginaren hilobia dago. Legenden arabera, Atlas mendikatearen eskualdeko Tafilalt mendietatik agertu zen han.

Assekrem[aldatu | aldatu iturburu kodea]

Assekrem lekurik ospetsuena da. Bertara aljeriar bisitariak (batez ere, maiatzetik urrira) eta europarrak (urritik maiatzera) maiz joaten dira, bertan bizi izan baitzen Charles de Foucault misiolari frantsesa zenbait hilabetez, 1909ko udan.

Ahoggar mendigunean dago, Tamanrassetetik 80 kilometrora, gutxi gorabehera. Gaur egun 100.000 biztanle inguru ditu.

Galeria[aldatu | aldatu iturburu kodea]

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Hoggar Aldatu lotura Wikidatan

Koordenatuak: 23°17′N 5°32′E / 23.283°N 5.533°E / 23.283; 5.533