Iñigo Martínez

Wikipedia(e)tik
Hona jo: nabigazioa, Bilatu
Iñigo
Datu pertsonalak
Izen osoa Iñigo Martinez Berridi
Ezizena Mostro, Kokolu
Jaio 1991ko maiatzaren 17a (24 urte)
Ondarroa (Euskal Herria)
Posizioa Atzelaria
Garaiera 181cm
Futbolari ibilbidea
Urteak Taldea Part. (golak)

Iñigo Martinez Berridi (Ondarroa, Bizkaia, 1991ko maiatzaren 17a - ) futbolari bizkaitarra da, Realean jokatzen duena atzelari lanetan. Realaren harrobian aritutako jokalaria da, 2009-2010 denboraldian bigarren taldera saltoa egin zuelarik. 2011ko abuztuaren 27an egin zuen debuta lehen taldearekin, Gijóngo El Molinón estadioan hain zuzen. Orduz geroztik lehen taldeko jokalaria da.

Kirol Ibilbidea[aldatu | aldatu iturburu kodea]

Hasierak[aldatu | aldatu iturburu kodea]

Ondarrutarra izanda herriko taldean hasi zen futbolean jokatzen, hain zuzen ere Aurrera K.E.-an. Kadetea zenean Realak fitxatu zuen eta bertako harrobian egin zuen ibilbidea. 2009an Sansera igo zuten eta 3. mailan jokatu zuen igoera lortuz. 2010 ean bigarren B mailan egin zuen debuta taldeko onenetako bat izanda.

Real Sociedad[aldatu | aldatu iturburu kodea]

2011-2012 izan zen Iñigo Martinez Berridiren lehen urtea lehenengo mailan. Sazoi hartan egin zuen debuta Philippe Montanier entrenatzailearen eskutik. Entrenatzaile frantziarrak eman zion aurredenboraldia egiteko aukera eta gerora taldeko hamaikakoan lekua. 2011ko abuztuaren 27an egin zuen debuta Sporting de Gijonen aurka (Sporting Gijon 1-2 Reala, amaitu zen partidua) eta bere lehen gola euskal derbian sartu zuen zelai erditik Athletic Cluben aurka Urriaren 2an Anoetan. Handik gutxira beste gol bat sartu zuen zelai erditik azken minutuan Realari garaipena eman zetzan Betisen aurka. Lehenengo itzulia amaitzerako Iñigo Realaren atzealdeko jaun eta jabe zen, horri ezker lehen taldeko fitxa eskuratu zuen gabonetan. Denboraldi hura ez zen ondo amaitu Iñigorentzat meniskoa apurtu baitzuen Vallecasen Diego Costarekin tupust egiñez.

2012ko Olinpiar Jokoak[aldatu | aldatu iturburu kodea]

Nahiz eta Iñigok meniskoa hautsi sasoiz errekuperatu zen Londresko Olinpiar Jokoetarako iristeko Espainiako Futbol Selekzioagaz. Lehen ondarrutarra bihurtu zen Olinpiar jokoetan aritzen. Esperientzia bikaina izan zen, lehen partidua jokatu zuen. Ezin izan zuen dominarik lortu.

2012-2013 beste denboraldi arrakastatsu bat izan zen Iñigorentzat. Bere taldea Txapeldunen Ligarako sailkatu zen laugarren postuan eta Espainiako hautatzaile nagusia zen Vicente del Bosquek deitu zuen lagunarteko partidua jokatzeko Guayaquilen Ekuadorren aurka.

Hurrengo denboraldian 2013-2014an Lyongo Olympic kanporatu ondoren aurreko fasean debuta egin zuen Txapeldunen Ligan FC Xakhtar Donetsken aurka nahiz eta ezin izan zuten garaipena ospatu realzaleek. Talde berean Manchester United eta Bayer 04 Leverkusen egokitu zitzaion Realari. Kanporatua izan zen Erreala baina Iñigo bere mailarik onena erakusten ari zenez Del Bosquek berriro ere deitu zuen Espainiarekin partidua jokatzeko.

Estatistikak[aldatu | aldatu iturburu kodea]

2015ko maiatzak 24an eguneratua. Datu ofizialak.

Taldea Maila Denboraldia Liga Kopa Champions League UEFA Superkopa Denera
JP I JP I JP I JP I JP I JP I
Sanse
Euskal Herria
3. 2009/10 23 1 - - - - - - - - 23 1
2.B 2010/11 25 1 - - - - - - - - 25 1
Denera 48 2 - - - - - - - - 48 2
Real Sociedad
Euskal Herria
1. 2011/12 26 3 2 0 - - - - - - 28 3
1. 2012/13 34 4 1 0 - - - - - - 35 4
1. 2013/14 35 2 5 0 7 0 - - - - 47 2
1. 2014/15 33 3 3 0 - - 4 0 - - 40 3
Denera 128 12 11 0 7 0 4 0 - - 150 12
Ibilbide osoan 176 14 11 0 7 0 4 0 - - 198 14

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]