Manchester United Football Club

Wikipedia(e)tik
Hona jo: nabigazioa, Bilatu
Manchester United FC
Old Trafford estadioa
Ezizena(k) Deabru gorriak
Sorrera 1878 Lancashire and Yorkshire Railway
1902 Manchester United Football Club
Futbol zelaia Old Trafford
(edukiera: 76.000 lagun)
Presidentea Ameriketako Estatu Batuak Joel eta Avram Glazer
Entrenatzailea Herbehereak Louis van Gaal
(2014ko uztailetik aurrera)
Liga Premier League
2013-14 Premier League, 7.a
Webgunea Webgune ofiziala
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Etxekoa
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Kanpokoa
"Busby babes" 1955ean.
FC Barcelonaren aurka 2009ko Txapeldunen Ligako finalean.
Wayne Rooneyren jokaldia Arsenalen aurkako partidan.
Sir Alex Ferguson entrenatzaile mitikoa.

Manchester United Football Club Ingalaterra eta Europako futbol talde ospetsuenetakoa da. Izan ere, Premier League txapelketa 15 aldiz eta Txapeldunen Liga bitan irabazi ditu. Jokalari gehienak harrobian sortzeko politikak arrakasta handia eman dio klubari hainbat etapatan.

Historia[aldatu | aldatu iturburu kodea]

Sorrera eta hasierako urteak[aldatu | aldatu iturburu kodea]

1878an sortu zuten kluba Lancashire and Yorkshire Railway tren konpainiako futbol taldea bezala. Hasieran konpainia bereko taldeen artean jokatu zituzten partidak. 1893an lehen mailan hasi zen jokatzen baina diru arazoen erruz 1902an desagertu egin behar zuen taldeak eta izena aldatzea erabaki zuen, Manchester United Football Club.

1908an irabazi zuen lehenengo Liga eta 1909an Kopa. 1911ean berriz ere Liga irabazi zuen garai hartako talde indartsu bihurtuz, baina Lehen Mundu Gerraren ondoren taldearen gainbehera etorri zen 1922an maila galdu arteraino. 30. hamarkadan yo-yo taldea bihurtu zen, hainbat igoera eta jeitsiera jarraian izan baitzituen.

Matt Busby: lehenengo urrezko aroa[aldatu | aldatu iturburu kodea]

Bigarren Mundu Gerra bukatu berritan taldeak Matt Busby entrenatzailea fitxatu zuen 1969 arte taldearen buru izango zena. 1948an Kopa irabaztearekin taldearen "urrezko aroari" hasiera eman zion. 50. hamarkadan hiru liga irabazi zituen eta talde garaitezina osatu zuen baina 1958ko otsailaren 6an taldeak Munichera bidean zihoala hegazkin istripua izan zuen eta garaipen bolada hori bapatean eten zen. 23 pertsona hil ziren, hauetako 8 taldeko jokalari mitikoak: Geoff Bent, Roger Byrne, Eddie Colman, Duncan Edwards, Mark Jones, David Pegg, Tommy Taylor eta Billy Whelan. Aipatzekoa da 1957an Bilboko Athletic Klubak elurpean Manchesterren aurka jokaturiko partida mitikoa.

Matt Busbyk 60. hamarkadan taldea berriz osatu behar izan zuen. 1963an Kopa, 1965 eta 1967an Ligak eta azkenik 1968an lehenengo Europako Kopa, talde ingeles batez lortzen zuen lehena gainera. Busbyk 1969an utzi zion entrenatzaile izateari 24 urteren ondoren. Hurrengo urteetan ez zuen maila bera lortu eta 15 urtetan Ingalaterrako hiru Kopa baino ez zituen lortu.

Alex Ferguson: bigarren urrezko aroa[aldatu | aldatu iturburu kodea]

1986an Alex Ferguson entrenatzaile eskoziarrak hartu zuen taldearen ardura eta 1991ean Europako bigarren titulua eskuratu zuen, Errekopa hain zuzen ere. Hilabete batzuk beranduago Europako Superkopa ere irabazi zuen. 1992an Premier League txapelketa berria abiarazi zen eta Manchester bihurtu da talde nagusia. Jokatu diren 21 ekitaldietatik 13 irabazi ditu, Ingalaterrako Ligako palmares nagusian Liverpool FC bera ere gainditu duelarik.

Txapeldunen Liga ere bi aldiz irabazi du 1999 eta 2008an eta bietan Kontinente arteko Futbol Kopa ere irabazi zuen. 2009 eta 2011ea ere finalera iritsi zen, biak FC Barcelonaren aurka galdu bazituen ere.

Bolada honetan ekonomikoki oso indartsu ibili da Manchester United. Hori dela eta, batek baino gehiagok erosi nahi izan du taldea. Lehenengoa Rupert Murdoch izan zen, baina gobernuak operazioa galarazi zuen. 2005ean, halere, Malcolm Glazer-ek, polemikak polemika, erosi egin zuen.

Alex Fergusonek 2013ko maiatzean utzi zuen taldea eta 2013-14a denboraldi eskasa izan du, izan ere ligan 7. postuan gelditu eta ez da Europako txapelketetarako sailkatu.

Irabazitako txapelketak[aldatu | aldatu iturburu kodea]

Ingalaterran: 54[aldatu | aldatu iturburu kodea]

  • Premier League (19) :
    • 1907-08, 1910-11, 1951-52, 1955-56, 1956-57, 1964-65, 1966-67, 1992-93, 1993-94, 1995-96, 1996-97, 1998-99, 1999-00, 2000-01, 2002-03, 2006-07, 2007-08, 2008-09, 2010-11
  • Ingalaterrako Kopa (11) :
    • 1909, 1948, 1963, 1977, 1983, 1985, 1990, 1994, 1996, 1999, 2004
  • Ingalaterrako League Cup (4) :
    • 1992, 2006, 2009, 2010
  • Ingalaterrako Superkopa (20) :
    • 1908, 1911, 1952, 1956, 1957, 1965*, 1967*, 1977*, 1983, 1990*, 1993, 1994, 1996, 1997, 2003, 2007, 2008, 2010, 2011, 2012
    • (* Elkarbanatuak)

Nazioartean: 7[aldatu | aldatu iturburu kodea]

Kontinente arteko Futbol Kopa[aldatu | aldatu iturburu kodea]

  • Txapelduna (1): 1999.
  • Finalista (1): 1968.

FIFAren Kluben arteko Munduko Kopa[aldatu | aldatu iturburu kodea]

  • Txapelduna (1): 2008.

Txapeldunen Liga[aldatu | aldatu iturburu kodea]

  • Txapelduna (3) : 1968, 1999, 2008
  • Finalista (2): 2009, 2011

Europako Errekopa[aldatu | aldatu iturburu kodea]

  • Txapelduna (1): 1991

Europako Superkopa[aldatu | aldatu iturburu kodea]

  • Txapelduna (1): 1991
  • Finalista (2): 1999, 2008

Jokalariak[aldatu | aldatu iturburu kodea]

Entrenatzaileak[aldatu | aldatu iturburu kodea]

  • Alex Ferguson (1986-2013), txapelketa gehien irabazi izan duena.
  • David Moyes(2013-)

Euskal taldeen aurkako partidak[aldatu | aldatu iturburu kodea]

Hauek dira Europako txapelketa ofizialetan Manchester Unitedek euskal taldeen aurka jokatu dituen partidak:

Denboraldia Txapelketa Fasea Etxekoa Emaitza Kanpokoa
1956-57 Europako Kopa Final laurdenak Athletic
Manchester Utd.
5-3
3-0
Manchester Utd.
Athletic
2011-12 UEFA Kopa Final zortzirenak Manchester Utd.
Athletic
2-3
2-1
Athletic
Manchester Utd.
2013-14 Txapeldunen Liga Multzokako fasea Manchester Utd.
Real Sociedad
1-0
0-0
Real Sociedad
Manchester Utd.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Manchester United Football Club Aldatu lotura Wikidatan


Flag of England.svg
Premier League 2014-15
Flag of Wales.svg

Arsenal | Aston Villa | Burnley | Bolton Wanderers | Chelsea | Crystal Palace | Everton | Hull City | Leicester City | Liverpool | Manchester City | Manchester United | Newcastle United | Queens Park Rangers | Southampton | Stoke City | Sunderland | Swansea City | Tottenham Hotspur | West Bromwich Albion | West Ham United