James Abbott McNeill Whistler
James Abbott McNeill Whistler Estatu Batuetako pintorea eta grabatzaileaizan zen (Lowell, Massachusetts, 1834 - Londres, 1903). West Pointeko Akademia Militarrean sartu zen, baina berehala irten eta pinturari ekin zion. 1855ean Parisera joan eta pinturako ikasketak hasi zituen. Gustave Courbeten eta beste frantses pintoreen eragina jaso zuen. Gaien konposizioak arduratzen zuen, tonuen egokierak eta dotoretasunak. 1879-1880 urteetan Venezian bizi izan zen, eta han akuarela, pastela eta grabatua landu zituen. Londresera itzuli zenean erretratuak egiteari ekin zion buru-belarri. Inpresionismotik gertu ibili zen, eta arte abstraktuaren aitzindaria izan zen. Obra nagusiak: Mother of pearl and silver: The Andalusian (1888–1900); Soineko zuriko anderea; Seymur Haden andrea pianoa jotzen; Portzelanazko herriko printzesa; eta Sinfonia zenbaki zuritan. Harena da The Gentle Art of making Enemies (1890, Etsaiak egiteko arte ederra) saiakera-lana.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
