Jose Ignazio Orbegozo

Arria II.a

Datu pertsonalak
Izen osoa	Jose Ignazio Orbegozo
Ezizena	Arria II.a
Jaio	1945eko urriaren 1a
	Azpeitia, Urola Erdia Gipuzkoa (Euskal Herria)

Jose Ignazio Orbegozo, Arria II.a (Azpeitia, Gipuzkoa, 1945eko urriaren 1a) aizkolari, gizon probalari, txingalari, arpanlari eta segalari gipuzkoarra da.

Azpeitiko Mandiolatza baserrian sortu zen, aita Ignazio Orbegozo Arriya aizkolaria zuela. Haurtzarotik aizkora jokoa maite zuen eta eskola amaitu zuenean mendian hasi zen lanean. Sunbillako Ramon Latasa aizkolari handiarengana jo zuen; honekin oihaneko lanean aritu eta, astia zutelarik, entrenatu egiten zen. 1966ko Espainiako Binakako Txapelketan elkarrekin aritu eta irabazi zuten. Berehala aizkolari onenen aurkako apustuak jokatzen hasi zen. Hasieran, lan luzeetan, erditik aurrera bete egiten bazen ere, hobetuz joan zen eta 70eko hamarkadako aizkolari sarituena izan zen. Sekulako planta zuen (1´90 m luze, 92 kg) eta aizkoran oso azkarra zen.

1987an utzi zuen aizkora, 41 urterekin.

Lorturiko sariak

• Euskadiko Txapelketa 4 aldiz: 1970 (Vasco-navarro), 1977, 1978 eta 1979an.
• Espainiako binakako txapelketa 1966an Ramon Latasa lagun zuela.
• Munduko Txapelketa 4 aldiz Euskal Herriko taldearekin: 1976, 1979, 1981 eta 1982an.
• Gipuzkoako Txapelketa 1986an.
• Euskal Pentatloi Txapelketa 1982an.
• Euskal Tetratloi Txapelketa 1984an Jose Mari Mendizabalekin.

Kanpo loturak

• (Euskaraz) Uztarria.com: Arriya II.a. Aizkolari mundiala