Jose Luis Bilbao Eguren
Wikipedia(e)tik
Jose Luis Bilbao Eguren (Bilbo, 1957 - ) euskal politikaria da, Bizkaiko Foru Aldundiko presidentea 2003tik aurrera. Bilboko Matiko auzoan jaio zen familia jeltzale batean. EHUn lizentziatu zen Sarrikoko Ekonomia Zientzien Fakultatean. 1976an EAJra afiliatu zen eta EGIko antolakuntza arduraduna izan zen.
1983an Bizkaiko Batzar Orokorretako kide hautatu zuten. Bertan hainbat ardura ezberdin garatu ditu. Aurrekontu eta Finantza Arduraduna izan zen, baita Presidnetziaren Alduna eta Aldun Nagusiaren Idazkari Orokorra. Nekazaritza Alduna, Garapen Ekonomikoa eta Bizkaiko Garapen Konsortziok presidentea izan da.
Josu Bergara Aldun Nagusia izan zen garaian (1999-2003) barne lanean egon zen EAJn. Iñigo Urkullurekin harreman onak zituen eta honek Luis Maria Retolazaren ardura hartu zuenean Bilbaok botere handia hartu zuen Bizkaian. Hautagai aurkeztu zuten Jose Angel Corres, Karmelo Sainz de la Maza edo Juan Luis Laskurain bezalako izenen gainetik.
2003ko maiatzaren 25ean bera buru zuen hautagaitzak gehiengo osoa lortu zuen hauteskundetan eta beraz Espainiako Trantsizioaz geroztiko Bizkaiko IV. Aldun Nagusia izan zen. 2007an berriro hautatu zuten, honakoan EAren laguntzarik gabe.
Horretaz gain euskara eta gaztelera ondo menperatzen ditu, eta maila txikiagoan frantsesa. Bilboko Athletik Clubeko bazkidea da, Berango Futbol Klubekoa eta Euskadi Txirrindularitza Fundaziokoa. Ezkondua dago, hiru seme ditu eta Getxon bizi da.
