Julen Arexolaleiba

Julen Arexolaleiba Biteri (Arrasate, 1962) soziolinguista eta HUHEZIko irakaslea da.

Ikasketak eta ikerlanak

Arrasaten jaio zen 1962an. Irakasletza ikasi zuen, Euskal Filologia adarrean, Eskoriatzako Irakasle Eskolan. Halaber, lizentziaduna da Hizkuntzen Psikopedagogian (Huhezi). Horrezaz gain, aditua da Euskal Herriko Gizarte Komunikazioan (EHU). 1990 urtean AGALen nazioarteko hirugarren biltzarrean parte hartu zuen Galizian, Arrasate Euskaldun Dezagun elkartearen dinamikaren berri emanda. 1991 urtean Jose Maria Arizmendiarrieta eta euskararen arteko harremana ikertu zuen lan argitaragabe batean.

Lan esperientzia

• 1987az gero, irakaslea da Humanitate eta Hezkuntza Zientzien Fakultatean, Mondragon Unibertsitatean. Euskal Kulturgintzaren Transmisioa (EKT) graduondoaren koordinatzaile eta Sorguneak ikertegiko kidea da.
• 1984an lehen liberatua izan zen Arrasate Euskaldun Dezagun (AED) elkartean.
• 1989tik 1993ra Jazten aldizkariaren zuzendaria izan zen.
• 1990ko hamarraldian, Adorez eta Atseginez mintegiaren zuzendaria, Jose Maria Sanchez Carrionen hololinguistikan oinarri hartuta.
• 1996-2005 aholku emailea Ulibarri programan, Eusko Jaurlaritzako Hezkuntza, Unibertsitate eta Ikerketa Saila.
• 1997an lana euskalduntzeko EMUN kooperatibaren sortzaileetako bat, eta enpresako lehen lehendakaria.

Bibliografia

• Don Jose María Arizmendiarrieta eta euskera, 1991. (Argitaragabea)

• "Dinámica popular de normalización lingüística: la experiencia de 'Arrasate Euskaldun Dezagun'". In: AA.VV. 1992. Actas do III Congresso Internacional da Língua Galego-Portuguesa na Galiza. Corunha: AGAL. 49-78.

Loturak

• Esku era: Egin eta eragin (subordinazioaren kontra, euskara elkarteetatik (Topagunearen jardunaldiak, 2009; bideoa)

• EKT graduondoan 2010-11-04an emandako hitzaldiaren laburpena (Bideoa- MU)

• "Soziolinguistika aplikatua" (BAT soziolinguistika aldizkaria 37, 2000)

• "Europan eta munduan aniztasuna: etorkizuna = etorkintasuna?!" (BAT soziolinguistika aldizkaria 52, 2004)

• "Gure eragin eremua gizarte zibilean dago eta ez botere gunean" (Elkarrizketa Berrian, 2009)

• Sorguneak ikertegiaren lanak