Karakorum

Wikipedia(e)tik
Hona jo: nabigazioa, Bilatu
K2 (Qogir Feng)

Karakorum[1] Gilgit-Baltistan eskualdean kokatua dagoen mendikatea da, Asiako garrantzitsuenetako bat, Himalaia mendikatearen zati dena. Karakorumen daude munduko gailurrik altuenetako batzuk. Pakistan, India eta Txina artean dago kokatua. 500 km inguruko luzera du eta poloak kenduta, glaziar gehien duen munduko eskualdea da. Turkieraz legar beltza esan nahi du, izan ere, inguruko glaziar gehienak harri txingorrez estaliak daude.

Dituen altueraren eta gogortasunaren ondorioz, oso jende gutxi bizi da han. Europar esploratzaileak XIX. mendearen hasieran iritsi ziren aurrenekoz Karakorumera, eta topografo britainiarrak 1856an heldu ziren.

Muztagh Igarobide deritzona 1886an zeharkatu zuen lehen aldiz Francis Yonghusband koronelak zuzendutako espedizio batek eta Hunza ibaiaren gaineko haranak General Sir George K. Cockerill arakatu zituen 1892an. 1910 eta 1920 hamarkadetan egindako azterketek hein handi batean eskualdearen geografia zehaztu zuten.

Karakorum eta Himalaia garrantzi handiko eskualdeak dira Lurra aztertzen duten zientzialarientzat hainbat arrazoirengatik. Geologikoki munduko eskualderik aktiboenetako bat da, talka egiten duten bi kontinenteren arteko muga baita. Ondorioz, plaken tektonika ikertzeko eskualde garrantzitsua da. Honez gain, glaziarren azterketa aldaketa klimatikoa neurtzeko baliagarri da, hauen urtzea eta tenperaturan eta prezipitazio kopuruan epe luzeko aldaketak, hain zuzen ere, dira aldaketa horren adierazle.

Gailurrik garaienak[aldatu | aldatu iturburu kodea]

Karakorumeko mendirik garaienetako batzuk honako hauek dira:

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Karakorum Aldatu lotura Wikidatan


Erreferentziak[aldatu | aldatu iturburu kodea]