Miño

Miño Miño (es, gl), Minho (pt)
Mapa hidrologikoa Galiziaren barruan.
Kokapena	Espainia / Portugal
Luzera	308 km
Arroa	12.486 km²
Emaria	340 m³/s
Iturburua	Meira, Lugo (700 m)
Ibai ahoa	Ozeano Atlantikoa

Miño (Minho portugesez) ibaia Iberiar Penintsulako ipar-mendebaldean kokatuta dago, Galiziako ibairik garrantzitsuena izanez.

Espainia eta Portugal bereizten ditu, iparraldean Pontevedrako probintzia eta hegoaldean Minho-Lima azpieskualdea daudela, 76 kilometroko azken tartean.

Ibilbidea

Iturburua Pedregal de Irimia izeneko lekuan dauka, Meirako mendilerroan, Lugoko probintziaren ipar erdialdean. Bidean, Miñok ondoko udalerriak zeharkatzen ditu itsasorantz: Rábade, Lugo, Portomarín, Ourense, Ribadavia, Melgaço, Monção, Tui eta Valença do Minho.

Itsasoratzen da A Guarda (Pontevedra) eta Caminha (Viana do Castelo) udalerrien artean.

Ibaiadarrak

Ekialdetik datorkion Sil ibaia du adar nagusia, Leongo probintzia eta Asturias arteko mendietan sortutakoa. Sil eta Miñok bat egiten dute Os Peares izeneko lekuan, Pantón eta Carballedo (Lugo) eta A Peroxa eta Nogueira de Ramuín (Ourense) udalerrien artean.

Irudi galeria

• 

  Ibaiaren irudi bat.

• 

  Tui udalerria eta Miño ibaia Portugalgo Valença udalerritik ikusita.

• 

  Vila Nova de Cerveiratik pasatzean.

• 

  Itsadarreko irudia, A Guarda aldean.

Ikus, gainera

• Galiziako geografia