Tadeusz Mazowiecki

Wikipedia(e)tik
Hona jo: nabigazioa, Bilatu
Tadeusz Mazowiecki
Tadeusz Mazowiecki

Herb Polski.svg
Poloniako Lehen Ministroa
1989ko abuztuaren 24a – 1991ko urtarrilaren 12a
Presidentea Wojciech Jaruzelski
Lech Wałęsa
Aurrekoa Czesław Kiszczak
Ondorengoa Jan Krzysztof Bielecki

Jaiotza 1927ko apirilaren 18a
Plock, Polonia
Heriotza 2013ko urriaren 28a
Varsovia, Polonia
Alderdi Politikoa Stowarzyszenie PAX (1949-1955)
Znak (1961-1972)
Solidarność (1980-1991)
Batasun Demokratikoa (1991-1994)
Unia Wolności (1994-2005)
Alderdi Demokratikoa – demokraci.pl (2005-2006)
Lanbidea Idazle, kazetari eta gizarte-langilea
Erlijioa Katolikoa

Tadeusz Mazowiecki (Plock, 1927ko apirilaren 18a - Varsovia, 2013ko urriaren 28a[1]) poloniar idazle, kazetari, gizarte-langile eta politikari kristau-demokrata izan zen. Solidarność sindikatuko sortzaileetako bat izan zen, eta Bigarren Mundu Gerraren ondoren Polonian egon zen aurreneko Lehen Ministro ez komunista.

Bizitza[aldatu | aldatu iturburu kodea]

Bigarren Mundu Gerra amaitu ondoren, Varsoviako Unibertsitatean egin zituen zuzenbide-ikasketak, baina kazetari-lanetan jardun zuen. Wiez egunkari independentea sortu zuen 1958. urtean. 1961ean legebiltzarreko kide hautatu zuten, eta Znak diputatu katolikoen taldean sartu zen, oposizioan. Solidarnosc sindikatua sortzen eta antolatzen lagundu zuen, eta 1980an Lech Walesaren laguntzaile izan zen, gobernuarekin izandako negoziazioetan. Gobernuarekin lortu zuten hitzarmenari esker, Solidarnosc izan zen herrialde komunista bateko lehenengo sindikatu independentea. Harrezkero Walesaren aholkulari nagusietako bat izan zen Mazowiecki. 1981ean, ordea, sindikatua legez kanpo utzi zutenean, atxilo hartu zuten beste zenbait buruzagirekin, eta espetxean egon zen 1982 arte. 1989an lan handia egin zuen Solidarnosc legeztatzeko, eta hauteskunde libreak antolatzeko elkarrizketetan. Hauteskundeetan arrakasta handia lortu zuten ez komunistek, eta Mazowiecki izendatu zuten Lehen Ministro. 1945az geroko lehenengo buruzagi ez komunista izan zen. 1989-1990 bitartean iraun zuen kargu horretan, baina tirabirak izan zituen Walesarekin, eta 1990eko hauteskundeetan, Walesa, Mazowiecki eta beste hautagai bat aurkeztu zirelarik, azken gelditu zen, eta bertan behera utzi zuen kargu hura.

Erreferentziak[aldatu | aldatu iturburu kodea]

  1. Monika Scislowska: Tadeusz Mazowiecki, Polish prime minister, dies at 86 Washingtonpost.com
Commonsen badira fitxategi gehiago, gai hau dutenak: Tadeusz Mazowiecki Aldatu lotura Wikidatan