Tebe (satelitea)

Wikipedia(e)tik
Hona jo: nabigazioa, Bilatu
Tebe (satelitea)
Thebe.jpg
Aurkikuntza
Aurkitzailea S. Synnott
Data 1979-03-05
Ezaugarri orbitalak
Batazb. erradioa 221.889,0±0,6 km
Eszentrikotasuna 0,0175±0,0004
Orbita periodoa 0,674536±0,000001 egun
Inklinazioa 1,076±0,003°

Jupiterren

ekuatorearekiko)

Planeta Jupiter
Ezaugarri fisikoak
Diametroa 116 × 98 × 84 km; ~100 km
Masa 4,3 ×1017 kg
Dentsitatea 0,86 ×103 kg/m³
Grabitatea azalean ~0,020 m/s2
Errotazio periodoa 0,674536 egun

(sinkronoa)

Albedoa 0,047±0,003
Tenperatura ~124 K

Tebe (grekoa: Θήβη), edo Jupiter XIV, Jupiter planetaren satelite natural bat da.

Ezaugarri fisikoak[aldatu | aldatu iturburu kodea]

Tebek forma irregularra du, elipsoidala (116 × 98 × 84 km), eta haren ardatzik luzeena beti Jupiterrerantz orientatuta dago. Jupiterren gainerako barne-sateliteetan gertatzen den bezala, Teben ere errotazio-periodoa eta orbita-periodoa berdinak dira, hau da, sinkronoak dira: bere buruaren inguruan bira oso bat egiten du planetaren inguruan bira oso bat egiten duen bitartean. Beraz, aurpegi bera erakusten dio beti planetari. Analtearen taldeko sateliterik handiena da.

Teberen gainazala iluna da, eta gorrixka. Kraterrez josita dago, eta gutxienez hiru edo lau inpaktu-krater erraldoi ditu; handienak 40 km inguruko diametroa du, eta Jupiterretik ikusten ez den aldean kokatuta dago.

Aurkikuntza[aldatu | aldatu iturburu kodea]

Stephen P. Synnott-ek aurkitu zuen 1979an, Voyager 1 zundak bidalitako argazkiak aztertuta.

Izendapena[aldatu | aldatu iturburu kodea]

Tebe satelite-izena mitologia grekoko Tebe pertsonaian du jatorria; Tebe ninfa bat zen, eta Zeusek bahitu zuen.

Hasieran, S/1979 J 2 izendapen sistematikoa eman zitzaion sateliteari; kode horrek adierazten du 1979an lehen aldiz ikusitako Jupiterren bigarren satelitea zela. Tebe behin betiko izena 1983ko irailaren 30ean eman zion Nazioarteko Astronomia Batasunak.


Commonsen badira fitxategi gehiago, gai hau dutenak: Tebe (satelitea) Aldatu lotura Wikidatan