Teutoburg basoa

Teutoburg basoa (alemanez Teutoburger Wald) Alemaniako Saxonia Beherea eta batez ere Ipar Renania-Westfalia estatuen artean zabaltzen den baso eremua da. XIX menderarte Osning izenaz ezagutzen zen.

Geografia

Horn-Bad Meinberg, Bielefeld, Osnabrück eta Ibbenbüren eskualdeek inguratzen dutn basoa. Bielefeld kokaturik dagoen ibarrak gainera bitan banatzen du, iparraldeko Teutoburg basoa eta hegoaldeko Teutoburg basoa eratuz. Hegoaldeko punturik altuena Velmerstot (468 m) da eta iparraldekoa aldiz Dörenberg (331 m).

Hidrografia

Ekialdean Weser ibaiak zeharkatzen du basoa, iparralderanzko bidean. Bestetik aipatzekoa da Ems ibaia ere Teutoburg basoaren hegoaldean sortzen dela.

Parke naturalak

Bi eremu babestu dira Teutoburg basoan, biak ere "Parke Natural" izendatu direlarik:

• TERRA.vita Parke Naturala: Izen osoa Naturpark Nördlicher Teutoburger Wald-Wiehengebirge da. Basoaren iparraldea eta Wiehengebirge mendizerra hartzen dituen parkea da, Osnabrück izanik bertako herri handiena.
• Eggegebirge Parke Naturala (Naturpark Eggegebirge): Basoaren hegoaldea hartzen du, Bielefeld eta Diemeltal herrien arteko eremua.

Historia

Arminioren omenezko monumentua (Hermannsdenkmal).

Mendeetan zehar pentsatu izan da bertan gertatu zela K.o. 9 urtean erromatarrek eta germaniarrek izan zuten Teutoburgoko oihaneko gudua famatua, baina indusketa berriek Osnabrücketik iparraldera gertatu zela erakutsi dute. Bertan Arminioren germaniarrek Publio Kintilio Varoren erromatarren hiru legio txikitu zituzten.

Ikus, gainera

• Teutoburgoko oihaneko gudua
• Hermannsdenkmal

Kanpo loturak

• (Alemanez) Teutoburg basoaren webgunea
• (Ingelesez) (Alemanez) TERRA.vita Parke naturalaren webgunea
• (Ingelesez) (Alemanez) Eggegebirge Parke naturalaren webgunea