Bielefeld

Wikipedia(e)tik
Hona jo: nabigazioa, Bilatu

Bielefeld

 Ipar Renania-Westfalia
Blick vom Johannisberg auf Bielefeld in Richtung Osten 2.jpg

Bielefeldeko armarria

Izen ofiziala Bielefeld
Herrialdea
Estatua
Eskualdea
 Alemania
 Ipar Renania-Westfalia
Detmold
Alkatea Pit Clausen (SPD)
Koordenatuak 52°1′0″N 8°31′0″E / 52.01667°N 8.51667°E / 52.01667; 8.51667Koordenatuak: 52°1′0″N 8°31′0″E / 52.01667°N 8.51667°E / 52.01667; 8.51667
Bielefeld non dagoen adierazten duen Alemania-ko/-go/-eko mapa
Bielefeld
Eremua 257,8 km2
Posta kodea 33501-33739
Biztanleria 323.270 bizt.
Dentsitatea 1.253,96 bizt./km²
Sorrera 1214
Matrikula BI
http://www.bielefeld.de

Bielefeld Alemaniako Ipar Renania-Westfalia estatu federaleko hiria da. Hiria Iparraldeko eta Hegoaldeko Teutoburg basoa banatzen duen tartean kokatzen da. Bielefeldeko hirigunea basoaren ekialdean dago, baina hiriaren gune modernoa beste aldean kokatzen da malda gainean. Hiriak 2010. urtearen bukaeran 323.270 biztanle zituen.

Historia[aldatu | aldatu iturburu kodea]

Biliuelde izeneko herrixka babestu eta merkataritza-gune bihurtzeko asmoz Hermann von Ravensberg kondeak eta Marienfeld monasterioak adostu zuten 1214an hiri eskubideak ematea nekazarien herriari. Teutoburg basoa zeharkatzen zuen bidea bertatik pasatzen zenez, berehala bihurtu zen Ravensberg Konderriko hiriburu. XV. mendean Hansa Ligan sartu zen eta hurrengo mendean lihoaren industria bertan ezartzeak garapen ekonomiko handia ekarri zion.

XVII. mendean Hogeita Hamar Urteko Gerraren ondoren, Brandenburgo hasieran eta Prusia ondoren jabetu ziren hiriaz. XVIII. mendean, berriz, lihoaren krisia iritsi zen, baina trenbidea eraikitzeak bestelako industria ekarri zuen Bielefeldera, esate baterako, elikagaien industria. Gaur egun bertako Dr. Oetker marka Europako elikagai enpresa handienetakoa da.

Bigarren Mundu Gerra hastean armagintza industria handia zuen eta horregatik,aliatuek 1940 eta 1944 artean sarri bonbakatu zuten. 1945ean, Estatu Batuetako Armadak erresistentziarik gabe hartu zuen Bielefeld.

Ondasun nabarmenak[aldatu | aldatu iturburu kodea]

Udaletxe zaharra (Altes Rathaus)
  • Sparrenberg gaztelua: XIII. mendean eraikitako gaztelua da, teutoburg basoko pasabidea kontrolatzeko helburuaz Ravensberg Kondeak jasoa.
  • Udaletxe zaharra (Altes Rathaus): 1904an eraikitako udaletxea da. Aurrealdeak xehetasun gotikoak eta pizkundekoak ditu.
  • Marienkirche eliza berria (Neustädter Marienkirche): 1293 eta 1512 artean eraikitako eliza protestantea da, Bielefeldeko handiena. Marienkirche eliza zaharra (Altstädter Marienkirche) ,aldiz, 1236ko eliza gotikoa da.
  • Antzokia (Stadttheater): 1904an udaletxe zaharraren estiloan eraikia, gaur egun Bielefeldeko Opera-etxea dago bertan.

Hiri senidetuak[aldatu | aldatu iturburu kodea]

Bielefeld honako hiriekin senidetuta dago:

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Bielefeld Aldatu lotura Wikidatan