Poitiersko gudua (732ko urriaren 10a) edo Toursko gudua (arabieraz: معركة بلاط الشهداء (ma‘arakat Balâṭ ash-Shuhadâ edo "Martirien Gorteko gudua"), Poitiers eta Tours artean, egungo Moussais-la-Bataille herrian, Karlos Martelek zuzenduriko franko-burgundiar[3][4] eta akitaniarren armadaren[5] eta ‘Abdul Rahman Al Ghafiqik zuzenduriko omeiar armaden arteko gudua izan zen. Kristauek garaipena lortu, ‘Abdul Rahman Al Ghafiqi hil eta Karlos Martelek hegoalderantz hedatu zituen bere agindupean zeuden lurraldeak, Akitania formalki bederen menderatuz. Garaipenaren ondorioz, IX. mendeko kronikalariek Jaungoikoaren mesedea bere alde zegoela ulertu zuten eta Karlosi Martellus ("mailua") ezizena eman zioten, ziur asko Juda Makabeoren ezizena gogoratuz[6][7]. Zaila da guduari buruzko datu zehatzak lortzea baina ematen du kristauek zalditeriarik gabe borrokatu zutela[8]. Edonola ere, adituen ustez, guduak Islamen hedapena Europan geldiarazteaz gain, Karolingiar Inperioa finkatu zuen.
Erreferentziak [aldatu]
- ↑ a b http://home.eckerd.edu/~oberhot/moussais.htm
- ↑ Hanson, Victor Davis. Carnage and Culture: Landmark Battles in the Rise of Western Power. Anchor Books, 2001. Faber and Faber, 2001. ISBN 0-571-21640-4 p. 141.
- ↑ Bachrach, 2001, p. 276.
- ↑ Fouracre, Paul (2000). The Age of Charles Martel. Pearson Education. ISBN 0-582-06476-7 p. 87
- ↑ , http://www.euskomedia.org/aunamendi/28944/31054?idi=eu
- ↑ Riche, Paul (1993). The Carolingians: A Family Who Forged Europe. University of Pennsylvania Press. ISBN 0-8122-1342-4 p. 44.
- ↑ Hanson, 2001, p. 143.
- ↑ Schoenfeld, Edward J. (2001). Battle of Poitiers. In Robert Cowley and Geoffrey Parker (Eds.). (2001). The Reader's Companion to Military History. Houghton Mifflin Books. ISBN 0-618-12742-9 366.
