Ur Apalategi

Ur Apalategi

Ur Apalategi 2007an.
Datu pertsonalak
Izen osoa	Ur Apalategi Idirin
Jaio	1972ko abenduaren 28a
	Paris (Frantzia)

Ur Apalategi Idirin (Paris, Frantzia, 1972ko abenduaren 28a) euskal idazlea da.

Biografia

Maite Idirin eta Jokin Apalategiren semea, Euskal Filologian doktorea da, eta Zuzenbidean eta Letra Frantsesetan lizentziaduna. Paue eta Aturriko Herrietako Unibertsitatean Euskal Literaturako irakaslea da. Irakasteaz gain, kolaborazioak idatzi ditu hainbat egunkaritan, hala nola Garan, Euskaldunon Egunkarian edo Maiatz aldizkarian. Gauak eta hiriak izan zen argitaratu zuen lehen eleberria, eta harengatik Beterriko Liburua Saria irabazi zuen.

Euskaltzain urgazlea da.

Lanak

Nobela

• Gauak eta hiriak (1997, Elkar). 1998an Beterriko Liburua Saria.
• Gure Gauzak S.A. (2004, Utriusque Vasconiae). Euskarazko argitaletxeei buruzko intrigazko eleberri polemikoa.
• Fikzioaren izterrak (2010, Susa). 2011ko Euskadi Literatura-Saria irabazi zuen "Euskarazko Literatura" atalean.

Saiakera

• La naissance de l'écrivain basque (2000, L'Harmattan).
• Belaunaldi literarioak auzitan (2005, Utriusque Vasconiae)

Poesia

• Erdi guneak (1995, Maiatz)

Ikus, gainera

• Ipar Euskal Herriko idazleak

Kanpo loturak

• (Euskaraz) Ur Apalategi Idirin literaturaren zubitegian
• Ur Apalategi Euskal Idazleen Elkartean
• (Euskaraz) Elkarrizketa Argia astekarian