Wakayama

Wikipedia(e)tik
Hona jo: nabigazioa, Bilatu

Wakayama

Wakayama
Wakayama bandera

Wakayama armarria

Ofiziala 和歌山
Estatua JaponiaJaponia
Uhartea
Eskualdea
Prefektura
Honshu
Kansai
Wakayama
Alkatea Kenichi Ohashi
Koordenatuak

34°14′00″N 135°10′0″E / 34.23333°N 135.16667°E / 34.23333; 135.16667Koordenatuak: 34°14′00″N 135°10′0″E / 34.23333°N 135.16667°E / 34.23333; 135.16667

Wakayama non dagoen adierazten duen Japonia-ko/-go/-eko mapa
Wakayama
Eremua 210,25 km²
Biztanleria 369.088 bizt.
Dentsitatea 1.755,47 bizt./km²
www.city.wakayama.wakayama.jp

Wakayama (和歌山市 Wakayama-shi?) Japoniako hiria eta portua da, bai eta izen bereko prefekturako hiriburua ere. 2010ko erroldaren arabera 396.554 biztanle ditu.

Geografia[aldatu | aldatu iturburu kodea]

Honshuko uhartearen hegoaldean dago, Kii itsasartearen ertzean. Kinokawa ibaiak bitan banatzen du hiria eta bertan itsasoratzen da. Hiriaren lurren iparraldeko eremua dago populatua, izan ere Osakako prefeturarekin muga egiten baitu. Hegoaldeko lurretan nekazal giroa nagusitzen da. Hiriaren mendialdean dagoen Kiimidera parkean tenpluak daude eta bertatik hiriaren ikuspegi itzela dago.

Historia[aldatu | aldatu iturburu kodea]

Wakayaman izan zen lehen gaztelua Ōta gaztelua izan zen. 1585 urtean Toyotomi Hideyoshik erasotu Negoro-jiko setioaren ondoren tenplu hartako monjeak bertan babestu zirenean. Hideyosik mendietako ubide eta puytzuak bertara bideratu zituen eta uholdeak gaztelua suntsitu zuen. Horrela eskuratu zuen gaztelua eta monje gerlariek errenditu eta seppuku bidez beren buruaz beste egin zuten.

Toyotomi Hideyoshiren anaia zen Toyotomi Hidenagak gaztelu berria eraiki zuen, Wakayama gaztelua. 1600 urtean Tokugawatarren esku gelditu zen Asano Yoshinagaren gidaritzapean. 1615ean Osakatik gaztelua berreskuratzera etorri ziren 3.000 soldadu baina gazteluan 5.000 zeuden eta erasoa ezereztatu zuten.

Gazteluaren inguruan herria eratuz joan zen, gazteluaren izena hartu zuena. Edo Aroan garrantzia hartuz joan zen eta gazteluko bosgarren jauna zortzigarren Tokugawa shogun bihurtu zen, Tokugawa Yoshimune hain zuzen ere.

Wakayama hiria 1889ko apirilaren 1ean eratu zen. Bigarren Mundu Gerran bonbaketak jasan zituen eta besteak beste gaztelua ere suntsitua izan zen. Gaur egungoa berreraikuntza bat da beraz.

Klima[aldatu | aldatu iturburu kodea]

Datu klimatikoak (Wakayama)
Hila Urt Ots Mar Api Mai Eka Uzt Abu Ira Urr Aza Abe Urtekoa
Batez besteko tenperatura maximoa (°C) 9.5 10.0 13.5 19.5 23.6 26.6 30.6 32.1 28.3 22.7 17.4 12.3 20.5
Batez besteko tenperatura (ºC) 5.5 5.8 8.9 14.6 18.9 22.5 26.6 27.6 23.9 18.0 12.8 8.0 16.1
Batez besteko tenperatura minimoa (°C) 1.9 2.0 4.4 10.0 14.4 19.1 23.4 24.0 20.3 13.9 8.6 4.1 12.2
Pilatutako prezipitazioa (mm) 49.0 59.3 89.2 124.4 136.8 212.8 149.0 108.5 200.2 111.1 73.1 39.2 1352.6
Eguzki orduak 137.1 134.2 175.6 180.3 203.7 161.2 207.2 228.3 162.1 164.2 142.2 134.9 2031
Hezetasuna (%) 63 63 62 65 68 75 76 73 73 70 68 66 68.5
Iturria: NOAA (1961-1990) [1]

Ekonomia[aldatu | aldatu iturburu kodea]

Industria (petrolio-findegiak, altzairugintza, kimika-industria, ehungintza, zurgintza, destilategiak) eta arrantza dira ekonomia-jarduera nagusiak.

Ondasun nabarmenak[aldatu | aldatu iturburu kodea]

Iruditegia[aldatu | aldatu iturburu kodea]

Hiri senidetuak[aldatu | aldatu iturburu kodea]

Erreferentziak[aldatu | aldatu iturburu kodea]


Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Wakayama Aldatu lotura Wikidatan