Landaben

Landaben
	Euskal Herria
	Landaben auzoaren kokapen mapa.
Kokapena
Herrialdea	Nafarroa
Udalerria	Iruñea
Geografia
Koordenatuak	42°48′42″N 1°41′18″W / 42.81167°N 1.68833°W

Landaben edo Landabengo Industrialdea Nafarroako Iruñea hiriburuko mendebaldean dagoen industrialde bat da. Bertan lantegi handi ugari kokatzen dira, adibidez, Iruñerri osoan langile gehien dituen Volkswagen enpresa, 2009an 5.000 inguru langile zituelarik.

Mugak

Bere mugak honako hauek dira: iparraldean Orkoien udalerria du, hegoaldean Barañain udalerria eta Arga ibaia, ekialdean ere Arga ibaia eta Iruñeko Biritxitu auzoko lursailak, eta azkenik mendebaldean A-15 autobidea, eta Arazuri eta Gazolatz udalerriak kokatzen dira.

Historia

1964an Nafarroako Foru Aldundiak bultzatutako Nafarroako Industriagintza Planaren ondorioz Nafarroa osoan hedatutako 14 industrialde eraiki ziren.^[1] Ekimen guzti honen gertakari nabarmenenak honako hauek izan ziren: 1966an AUTHI (Automóviles de Turismo Hispano Ingleses) lantegiaren ezartzea, 1975an SEAT eta 1994an Volkswagen izatera iragan zirelarik.^[2]

Merkatua

Landaben industrialdean igande goizero merkatua ospatu ohi da, garai batean Txantrea auzoan ospatu ohi zen merkatua bertara lekualdatu baitzen.

Garraioa

Auzo honetan Eskualdeko Hiri Garraioaren line bat da:

Enpresak

Landaben Industrialdeko enpresak
Industria sektorea	Enpresak	Langileak
Automobilgintza	Volkswagen Nafarroa
	Dana equipamientos
	Asientos Esteban
	TRW Automotive Espainia
	Delphi-Packard Espainia
	Icer Brakes
Beste batzuk	Hierros Landaben
	Landaben jatetxea
	Koxka