Smörgåsbord

Smörgåsbord (ˈsmœ̂rɡɔsˌbuːɖ ahoskatua) suediar gastronomiaren osagai tipikoekin egindako buffeta da.^[1] Bertan plater bero eta epelak zerbitzatzen dituzte, eta mahaikideek plater beroekin nahiz hotzekin has daitezke, edo haragiak eta arrainak bereiziz. Ogia (ogi-mota desberdinak) eta gurina ezinbestekoak dira, eta gazta, haragi-bolak (köttbullarra), angulak, surströmminga, izokina, saltxitxak eta patea barne hartzen ditu, baita Janssons frestelse espezialitate suediarrak ere.