Euskal Herria Mendi Erronka

Euskal Herria Mendi Erronka
Sorrera	2013
Tokia	Leitza (Nafarroa Garaia)
Modalitatea	mendi lasterketa
Distantzia	67 km
Errekorrak	Gizonezkoak: 6:34:37 Ander Iñarra (2023) Emakumezkoak: 7:54:59 Oihana Azkorbebeitia (2023)
Txapeldunak	Gizonezkoak (2023): Ander Iñarra Emakumezkoak (2023): Oihana Azkorbebeitia
Webgunea	www.ehmendierronka.eus

Irumugarrietatik dagoen ikuspegia

Euskal Herria Mendi Erronka (EHME) 2014an sortutako luzera handiko mendi lasterketa bat da. 67 kilometro ditu, eta 7200 metroko desnibela. Nafarroa Garaiaren ipar-mendebaldean egiten da; izan ere, Leitzan hasten eta bukatzen da, Araizko, Beteluko, Larraungo eta Lekunberriko mendietatik igarota. Mendizaletasuna eta euskara bultzatzeko asmoa du.

Ibilbidea

EHME lasterketak 67 bat kilometroko luzera du, eta 7.200 metroko desnibela. Leitzatik hasi eta Aresora joaten da. Ondoren, Arribera iristen da. Arribeko mendietatik barrena Betelu herrira heltzen da. Herri honetatik, San Migel mendilerroa zeharkatuz eta kilometro bertikala eginez, Mugirora iristen da, eta hortik Lekunberrira. Azken herri horretatik falta diren mendi eta toki bitxietatik igaroz, berriro ere Leitzara iristen da. Mendi Erronkako ibilbide guztia edo ia guztia mendiz da.

Boluntarioak

Lau boluntario talde aritzen dira antolakuntza lanetan: biltegiko taldea, paella egiten duen taldea, anoa guneetako taldea eta paella banatzen duena.

Biltegiko taldea

Talde horretako kideen lana bi zatitan banatzen da: astean zeharrekoa eta egun bat lehenagokoa. Astean zehar motxilak betetzen dituzte, jelak, kamisetak eta abar sartuta; eta egun bat lehenago, plazan korrikalari bakoitzari bere motxila ematen diote.

Paella egiten duen taldea

700 korrikalarientzat paella egiten dute. Goizean goiz joaten dira plazara, eta hor aritzen dira lanean azken korrikalaria etorri arte.

Anoa guneetako taldea

Talde hau mendian egoten da, eta korrikalariak etortzen direnean eskatzen diotena ematen diete. Bi anoa mota daude: likidoa, eta likidoa eta solidoa. Likidoetan, edaria bakarrik egoten da; eta bestean, berriz, edariaz gain janaria ere egoten da; gominolak, fruitu lehorrak, fruta... Anoa bakoitzak arduradun bat dauka, gauzak ekarri eta eramateko, dena antolatzeko, eta zerbait sobratzen bada plazara eramateko.

Paella banatzen duen taldea

Korrikalari guztiak helmugara iristen direnean haiei janaria ematea da taldearen helburua. Hainbeste korrikalari izaten dira, taldeko kideak txandatuz joan behar izaten dira, nekearen nekeaz. Talde honek guztia oso azkar egin behar izaten du, korrikalariek eskatutakoa ahalik eta azkarren ekartzea dute eginkizuna.

Palmaresa

Urtea	Gizonezkoa	Denbora	Emakumezkoa	Denbora
2013	Anjel Arrieta	6:45:51	Leire Agirrezabalaga	8:24:08
2014	Iker Karrera	6:34:11	Leire Fernandez	8:02.36
2015	Daniel Agirre	6:42:54	Elena Calvillo	8:23:02
2016	Julen Martinez de Estibariz	7:03:23	Oihana Kortazar	7:55:02
2017	Álvaro Ramos	6:56:46	Irene Guembe	8:30:41
2018	Raul Macarro	6:59:52	Izaskun Zubizarreta	8:32:38
2019	Ion Azpiroz	6:45:07	Uxue Fraile	8:04:36
2020- 2021	ez zen jokatu
2022	Ugaitz Artola	6:56:49	Oihane Perez	8:18:32
2023	Ander Iñarra	6:34:37	Oihana Azkorbebeitia	7:54:59

Kanpo estekak

• Lasterketaren webgunea

• Datuak: Q65216151