Abderrahman Jusufi

Wikipedia, Entziklopedia askea
Jump to navigation Jump to search
Abderrahman Jusufi
Marokoko lehen ministro

1998-02-04 - 2002-10-09
Abdellatif Filali - Driss Jettou Itzuli
first secretary Itzuli


Abderrahim Bouabid Itzuli - Mohamed El Yazghi Itzuli
Bizitza
Jaiotza Tanger1924ko martxoaren  8a (95 urte)
Herrialdea  Maroko
Bizilekua Cannes
Jarduerak
Jarduerak politikaria eta abokatua
Jasotako sariak
Sinesmenak eta ideologia
Erlijioa Islama
Alderdi politikoa Istiqlal Alderdia
National Union of Popular Forces Itzuli
Socialist Union of Popular Forces Itzuli

Abderrahman Jusufi (arabieraz: عبد الرحمن اليوسفي) (Tanger, 1924ko martxoaren 8a) marokoar politikari ohia da.

Bizitza[aldatu | aldatu iturburu kodea]

Zuzenbide-ikasketak egin ondoren eta legegizon gisa lan egin eta gero (Arabiar Legegizonen Batasuneko presidente izan zen 1969tik 1990era), Istiqlalen sartu zen 1943an. Alderdi horretan, Casablancako langileen arazoez eta Frantziara ihes egindako marokoarren arazoez arduratu zen. Muhammad V.a kargutik kendu zutenean, erresistentzia-mugimendua antolatzen parte hartu zuen (1953-1955). 1959an, Marokoko Herri Indarren Nazio Batasuna sortu zuen Mehdi Ben Barkarekin batera, eta Attahrir alderdiaren egunkariko erredakzioburu izendatu zuten. Bitan espetxeratu zuten, 1959an eta 1963an, eta erbesteratu egin zen 1965etik 1980ra. Herri Indarren Batasun Sozialistaren (USFO) alderdiko ordezkari egin zuten atzerrian.

1980an Marokora itzuli zenean, alderdiko idazkari izan zen, baina dimisioa aurkeztu zuen 1993an, hauteskunde legegileetako iruzurraren kontra. Hala ere, 1995ean, bere kargura itzuli zen. 1996an, Konstituzioa berritzeko botoa eskatu zuen. 1998an, Hassan II.a erregeak abiarazi zuen demokraziarako zabalkundearen barruan, lehen ministro izendatu zuten. Azkenik, 2003an utzi zuen politika.

Erreferentziak[aldatu | aldatu iturburu kodea]