Alcoi

Alcoi
Espainiako udalerria
Irudi gehiago
Administrazioa
Estatu burujabe	Espainia
Autonomia	Valentziako Erkidegoa
Probintzia	Alacanteko probintzia
Alkatea	Antonio Francés Pérez (en)
Izen ofiziala	Alcoi
Posta kodea	03801–03804 eta 03818
INEk ezarritako kodea	03009
Herriburua	Alcoi/Alcoy
Geografia
Koordenatuak	38°41′54″N 0°28′25″W
Azalera	129,86 km²
Altitudea	561 m
Mugakideak	Banyeres de Mariola, Benifallim, Ibi, Xixona, La Torre de les Maçanes, Cocentaina, Onil, Penàguila eta Bocairent
Demografia
Biztanleria	61.468 (2025)
30.128 (%49)   (%47) 28.866
Dentsitatea	473 bizt/km²
Informazio gehigarria
Ordu eremua	UTC+01:00 eta UTC+02:00
Matrikula	A
Hizkuntza ofiziala	valentziera
alcoi.org

Alcoi (gaztelaniaz Alcoy eta ofizialki Alcoi/Alcoy) Valentziar Erkidegoko udalerria da, Alcoià eskualdean eta Alacanteko probintzian kokatua. Eskualdeari izena ematen dio eta bere hiriburu eta hiri nagusia da.

2006an 60.590 biztanle zituen. Eskualdea populatua egon da neolitikotik. Bertan margoak eta aztarnategiak aurkitu dira eta herri gisa 1256an sortu zen.

Inguru naturala

Udalerria Mariolako mendilerroa, Biscoi, l'Ombria, la Serreta, el Carrascal eta Font Roja, la Carrasqueta eta els Plansek inguraturiko haran batean dago. Hiria, Riquer, Benisaidó eta Molinar ibaiek zeharkatzen dute, ibai hauek aldi berean Serpis ibaiaren ibaiadarrak direlarik. Alcoi "Hiru ibaien hiri" edo "Zubien hiri" izenekin da ezaguna, aipaturiko hiru ibai horiengatik. Hiriak honako udalerriekin egiten du muga: Banyeres de Mariola, Benifallim, Bocairent, Cocentaina, Ibi, Xixona, Onil, Penàguila eta la Torre de les Maçanes.

Landarediari dagokionez, mediterraniar baso arrastoak mantentzen dira gaur egun, el Carrascar eta Font-rojan. Artea eta Hagina bezalako zuhaitzak nagusi dira. Hiriko beste gune natural batzuetan, zuhaitz berriak landaturi dira, gehienak pinuak, hiriko basoen landarediaren %85a direlarik.

Errepide bidezko komunikazioari dagokionez, N-340 errepideak Alacant eta Valentzia hiriekin batzen du Alcoi.

Demografia

Honako hau Wikidata bidez sortutako biztanleria grafiko automatiko bat da. Aldaketa bat egin beharrez gero, bertan egin dezakezu.

Mairuak eta Kristauak

Jaiaren argazki bat.

Apirilaren amaieran urtero ospatzen dute udalerri honetan "Mairuak eta Kristauak" izeneko festa ezaguna, 1980an "Nazioarteko interes turistikoaren festa" izendatu zutena. Musika eta koloreak uztartzen dituzte, emaitza entzun eta ikusgarria ematen.

Jai honetan Al Andaluseko historiaren pasarteak gogoratzen dituzte, XIII. mendeko kontuak izan zirenak.

Alcoitar ezagunak

• Antonio Gisbert (1834-1901)
• Ovidi Montllor (1942-1995), abeslaria.
• Isabel-Clara Simó (1943- ), idazlea.

Kanpo estekak

• (Katalanez) (Gaztelaniaz) Alcoiko Udalaren webgune ofiziala

• Datuak: Q494777
• Multimedia: Alcoi / Q494777