Antrim konderria

Antrim konderria
Erresuma Batua
Administrazioa
Estatu burujabe	Erresuma Batua
Herrialdea	Ipar Irlanda
Hiriburua	Antrim
Geografia
Koordenatuak	54°51′54″N 6°16′48″W
Azalera	2.844 km²
Mugakideak	Downeko konderria, Derryko konderria, Tyroneko konderria eta Armagheko konderria
Demografia
Biztanleria	618.108 (2011)
Dentsitatea	217,34 bizt/km²
Ordu eremua	UTC±00:00

Antrim Konderria (irlanderaz Aontroma), Erresuma Batuaren Ipar Irlandako sei konderrietako bat da. 3.046 km koadroko azalera du eta 616.000 biztanle inguru.

Geografia

Natura

Irlandaren ipar-ekialdeko kostaldea hartzen du, Belfastetik igotzen hasi eta Bushmillsera iritsi arte. Barnealdetik Neagh lakuraino ere iristen da.

Muino ugarik osatzen dute konderria, altuera handia ez duten arren. Nabarmenenak Trostan (550 m), Knocklayd (514 m) eta Slieveanorra (508 m) dira.

Hiriak

Bere hiriburua Antrim da. Beste zenbait hiri edo herri garrantzitsu:

• Belfast/Béal Feirste (267.500 biztanle, metropoli eremuak 641.638), zati bat Downeko konderrian.
• Lisburn/Lios na gCearrbhach (71.465), zati bat Downeko konderrian.
• Newtownabbey/Baile Úr na Mainistreach (62.056)
• Ballymena/an Baile Meánach (28.717)
• Carrickfergus/Carraig Fhearghais (27.201)
• Antrim/Aontroim (20.001), hiriburua
• Larne/Latharna (18.228)

Historia

Ez da ezagutzen noiz sortu zen Antrim baina XIV menderako jadanik bazen eta XVI mendean konderriak eratu zirenerako jadanik ongi finkaturik zeuden Antrim eta Down.

Lurraldea Mesolitikoan populatu zen eta ondoren zeltak iritsi ziren, Darini leinua zehazki. Erdi Aro goiztiarrean gaur egungo konderriaren hegoaldea Ulidia Erresumaren barnean zegoen eta iparraldea berriz, Eskozia mendebaldearekin batera, Dál Riada Erresuman. Vikingoen erasoak hasi ziren VIII mendean eta hauen eraginak bertan iraun zuen harik eta XII mendean Ulster Erresuma eratu zen arte. Ordurako jadanik anglo-normandiarrek konkistatua zeukaten lurraldea. 1315 urtean gaeldarrek Edward Bruce buru zutela lurralde guztia berreskuratzea lortu zuten, britainiarren menpeko Carrickfergus gaztelua ezik.

XV mendean ingelesen eta eskoziarren kolonizazioa iritsi zen. Antrimeko konderria eratu eta hamasei baroierritan banatu zuten, bakoitzak agintari britainiar bat zuelarik. 1777an Belfasten liho lantegia sortzearekin batera hasi zen konderriaren industrializazioa. 23 urte pasa zirenerako jadanik 27.000 pertsona ari ziren liho lantegietan lanean. Ondoren etorriko ziren beste industria batzuk ere, tartean mundu mailako ospea izan zuen ontzigintza.

XX mendea istilutsua izan da. Irlandaren zatiketa gogorra izan zen eta 60. hamarkadaren ondoren errepublikar eta unionisten arteko borrokek markatu dute Antrimeko gizartea.

Ondasun nabarmenak

• Erraldoien Galtzada, Gizateriaren Ondarea.
• Carrickfergus gaztelua
• Dunluce gaztelua
• Kinbane gaztelua
• Belfasteko muralak: Falls Road eta Shankill Road
• Titanic Belfast museoa
• Glens of Antrim eskualdea
• Carrick-a-Rede sokazko zubia
• Glenariff Basoa

Iruditegia

• 
  Belfasteko udaletxea.
• 
  Titanic Belfast museoa.
• 
  Ballycastle.
• 
  Carrickfergus gaztelua.
• 
  Dunluce gaztelua.
• 
  Kinbane gaztelua.
• 
  Erraldoien Galtzada.
• 
  Erraldoien Galtzada.
• 
  Carrick-a-Rede sokazko zubia.
• 
  Glenariff Basoa.
• 
  Fair Head lurmuturra.
• 
  Rathlin uhartea.

Kanpo estekak

• Datuak: Q189592
• Multimedia: County Antrim / Q189592