Antzoriz lurmuturra

Wikipedia, Entziklopedia askea
Jump to navigation Jump to search
Antzoriz lurmuturra
Antzoriz.jpg
Lurmuturraren ikuspegia
Eskualdea Lekeitio
Ur eremua Bizkaiko golkoa

Antzoriz lurmuturra Lekeitio udalerriaren iparraldeko mugan dagoen itsaslabarra da. Santa Katalina izenez ere ezagutzen da, bertan dagoen baselizaren izenetik.

Inguru fisikoa[aldatu | aldatu iturburu kodea]

Antzoriz lurmuturraren koordenatuak 43 22,60 I eta 002 30,60 M dira.[1] Otoio mendiaren iparraldeko hegian kokatua dago; ekialderantz Lekeitioko kostaldea dago, eta hirigunea 1,5 kilometrotara; mendebalderantz, berriz, Ispasterko itsaslabarrak eta Ogellako hondartza.

Lurmuturra kareharriz osatua dago, eta bere egiturari esker hainbat kobazulo aurkitzen dira bertan.[2]

Antzoriz II eta IV kobazuloak; Santa Katalina baseliza; eta Lekeitioko itsasargia.
Antzoriz II eta IV kobazuloak; Santa Katalina baseliza; eta Lekeitioko itsasargia.

Kobazuloak[aldatu | aldatu iturburu kodea]

Lurmuturrean Antzorizko kobak ditugu, Santa Katalina izenez ere ezagunak (baseliza horren azpian daudelako). Haietako batean (Antzoriz I) Santa Katalinako aztarnategia dago, 1982-2000 urteetan industu zena eta harrezkero hainbat arlotan Europako arkeologiaren erreferentzia bihurtu dena.[3]

Baseliza[aldatu | aldatu iturburu kodea]

Lurmuturraren gaineko muinoaren tontorrean, Antzorizko Santa Katalina baseliza dago. Erdi Arokoa da (XV mendea). Gaur egunean ez du erabilpen erlijiosorik, eta esparru partikular batean dago.[4]

Itsasargia[aldatu | aldatu iturburu kodea]

Antzorizko lurmuturrean dago Lekeitioko itsasargi nagusia. 1862an eraikitakoa, gaur egun guztiz automatizatuta dago eta bertan itsas nabigazioari buruzko museo txiki bat bisita daiteke.[1]

Antzoriz lurmuturra (Lekeitio). Santa Katalinako itsasargia eta baseliza.
Antzoriz lurmuturra (Lekeitio). Santa Katalinako itsasargia eta baseliza.

Erreferentziak[aldatu | aldatu iturburu kodea]

  1. a b   «D-1502 Faro del Cabo Santa Catalina (Lekeitio)», http://www.masmar.net/, http://www.masmar.net/esl/Gu%C3%ADas/Faros/Euskadi/D-1502-Faro-del-Cabo-Santa-Catalina-Lekeitio. Noiz kontsultatua: 2018ko maiatzaren 26a .
  2.   «Antzorizen oporretan (Lamiña D'Or)», http://actualid-ades.blogspot.com.es/, http://actualid-ades.blogspot.com.es/2015/05/antzorizen-oporretan-lamina-dor.html. Noiz kontsultatua: 2018ko maiatzaren 26a .
  3.   BERGANZA GOCHI, Eduardo. ARRIBAS PASTOR, José Luis. (2014), «La intervención arqueológica en el yacimiento de la cueva de Santa Catalina. Pp:7-24. In. BERGANZA, ARRIBAS et alii. 2014. La Cueva de Santa Catalina (Lekeitio, Bizkaia): La intervención arqueológica. Restos vegetales, animales y humanos.», Kobie Serie BAI (Bilbo) (4), http://www.bizkaia.eus/fitxategiak/04/ondarea/Kobie/PDF/7/Kobie_BAI_4_web.pdf?hash=bc425cfa4062bbb9410cbcaf4ad31410 .
  4.   «Antzorizko Santa Katalina baseliza», http://www.euskadi.eus/, http://www.euskadi.eus/app/ondarea/arkeologia-ondarea/antzorizko-santa-katalina-baseliza/ermita/lekeitio/fichaconsulta/61349#ad-image-0. Noiz kontsultatua: 2018ko maiatzaren 26a .