Artazul ur-jauzia

Artazul ur-jauzia
Artazul ur-jauzia
Mota	ur-jauzia
Geografia
Koordenatuak	42°50′23″N 1°52′42″W / 42.8396136°N 1.8784199°W
Herrialdea	Euskal Herria
Foru erkidego	Nafarroa Garaia
Udalerria	Ollaran
Nafarroako kontzeju	Arteta

Artazul ur-jauzia Arteta herrian dagoen ur-jauzia da, Ollo bailaran, Nafarroan. Artetako ur-jauzia eta Artazulo ur-jauzia ere esaten zaio.^[1]

Inguruko mendiak

Ur-jauzia Andia mendilerroan dago. Artazul errekako iturburuan. Ingurune paregabe honetan ur-jauzitik gora Artazul Arroila aurki dezakegu. Lizebar arroila ere gertu dago.

Mila metro inguruko batezbesteko altuera duen meseta dago gainean, Goñi eta Aizpun aldean eta ur irteerak ugariak dira ingurune karstiko honetan.^[2]

Bertara nola iritsi

Artazul ur-jauzia ikusteko Nafarroako Arteta herriko iturburura joan behar da. Ollo bailarako ur irteera naturaletariko bat da iturburu hau.^[3]

Iruñeko ur-hornidura

Iruñean edaten den ur asko hemendik hartu izan da aspalditik. XIX. mendearen amaieran Iruñeko 30.000 herritarrei ur garbia emateko zailtasunak zirenean (1895ean koleraren eragina handia izan zen). 1895. urtean bertan Artetatik ura Iruñera eramateak etxebizitzetara ura iristea ekarri zuen eta hornidura-arazoetarako konponbidea izan zen.^[4]

Erreferentziak

↑ Arrizabalaga, Mikel. (2016-03-24). «mendia euskaraz bizi! : Artazulgo zintzurra» mendia euskaraz bizi! (kontsulta data: 2019-04-26).
↑ «Artazul arroila» Inguru abentura (kontsulta data: 2019-04-24).
↑ (Gaztelaniaz) aruizhu. (2015-03-11). «Barranco de Artazul» Alfredo Ruiz (kontsulta data: 2019-04-24).
↑ «Artetako iturburua» Iruñerriko Mankomunitatea (kontsulta data: 2019-04-24).