Ollaran
| Ollaran | ||
|---|---|---|
 Nafarroa Garaia, Euskal Herria | ||
 | ||
|
| ||
| Administrazioa | ||
| Estatua | Espainia | |
| Erkidegoa | Nafarroako Foru Erkidegoa | |
| Merindadea | Iruñeko merindadea | |
| Eskualdea | Iruñerria | |
| Izen ofiziala |
 Ollo | |
| Alkatea |
David Campion (Auzolan) | |
| Posta kodea |
31172 | |
| INE kodea |
31194 | |
| Herritarra | ollarandar, olloibartar[1] | |
| Kokapena | ||
| Koordenatuak | 42° 52′ 00″ N, 1° 51′ 00″ W / 42.866666666667°N,1.85°WKoordenatuak: 42° 52′ 00″ N, 1° 51′ 00″ W / 42.866666666667°N,1.85°W | |
 | ||
| Azalera | 37,8 km2 | |
| Garaiera | 504 metro | |
| Distantzia | 22 km Iruñera | |
| Demografia | ||
| Biztanleria | 407 biztanle | |
 53,06 / 100 | ||
| Dentsitatea | 10,77 biztanle/km² | |
| Hazkundea (2003-2013)[2] |
 % 29,9 | |
| Zahartze tasa[2] | % 16,13 | |
| Ugalkortasun tasa[2] | ‰ 22,73 | |
| Ekonomia | ||
| Jarduera tasa[2] | % 82 (2011) | |
| Genero desoreka[2] | % 0 (2011) | |
| Langabezia erregistratua[2] | % 9 (2013) | |
| Kultura | ||
| Euskaldunak | % 16,23 (2010) | |
| Euskararen erabilera | % 1,6 (2011) | |
| Datu gehigarriak | ||
| Sorrera | XIII. mendea baino lehen. urtea | |
| Webgunea | http://www.ollo.es/eu/ | |
Ollaran edo Olloibar[3] (ofizialki, Valle de Ollo/Ollaran) Nafarroako udalerria da, Iruñeko merinerrian eta Iruñerri eskualdean kokatua. Ondoko herri hauek osatzen dute: Anotz, Arteta, Egillor-Beasoain, Iltzarbe, Ollo, Oskia, Saldise, Senosiain eta Ultzurrun herriek, alegia.
407 biztanle zituen 2014. urtean.
Iruñerriko Mankomunitatea zaborra bildu, ura hornitu eta bestelako zerbitzuak eskaintzeaz arduratzen da, Iruñean inguruko gune metropolitarreko beste hainbat herritan bezala.
Geografia[aldatu | aldatu iturburu kodea]
Inguru naturala eta kokapena[aldatu | aldatu iturburu kodea]
Ollaran Iruñeko merindadearen hegoaldean dago Iruñerriko gune metropolitarretik gertu, eta Lizarrako merindadearekiko mugan.
Mugakideak Arakil (iparraldean), Itza Zendea (ekialdean), Oltza Zendea (hegoaldean) eta Andimendi dira.
Klima eta landaredia[aldatu | aldatu iturburu kodea]
Ollarango klimaren ezaugarriak azpiatlantiar motakoak dira, baina altueraren arabera asko aldatzen dira batez besteko balioak. Horrela, prezipitazioak 1.000 eta 1.400mm artekoak izaten dira, eta tenperaturak 6 eta 12 gradu bitartekoak. Udalerriaren gunerik menditsuenetan, hau da mendebaldeko Urbasa mendilerroan, neguak hotzak eta elurtsuak izaten dira.
Zuhaitzik ugarienak haritzak dira, eta Ollarango gunerik altuenetan pagoak nagusi dira, udalerriko gunerik baxuenetan, berriz, arteak eta haritzak nabarmentzen dira. Birlandaturiko 171,92 hektarea pinu beltz, basa pinu eta pinu lariziar (Pinus nigra) daude Ollarango mendietan.
Demografia[aldatu | aldatu iturburu kodea]
| Ollarango biztanleria |
|---|
 |
2008ko erroldaren arabera, ez da etorkinik bizi Ollaranen.
Politika[aldatu | aldatu iturburu kodea]
Udal hauteskundeak[aldatu | aldatu iturburu kodea]
2007an Ollarango alkate kargurako Agrupación Vecinal Txurregui[4] (AVT) zerrendako Francisco Javier Ekai Iltzarbe aukeratu zuten. Udaletxeko zazpi zinegotzietatik lau lortu zituen, gehiengo osoa. Baliogabeko botoak sei izan ziren (emandako guztien % 2,50) eta boto zuriak zortzi (botoen % 3,42). Abstentzioa % 23,32koa izan zen.
| Alderdia | Botoak | Zinegotziak |
| Txurregui (AVT) | 134 | 4 |
| Agrupación Electoral Udarbe (AEU) | 92 | 3 |
2011ko udal hauteskundeetan Auzolan zerrendak (4 zinegotzi, Francisco Javier Pérez Cueva) irabazi zituen. Txurreguik (2) eta PPk (1) ere ordezkaritza lortu zuten.
| Alderdia | Botoak | Zinegotziak |
| Auzolan | 129 | 4 |
| Txurregui | 73 | 2 |
| PP | 30 | 1 |
2015eko udal hauteskundeetan Auzolan zerrenda bakarrik aurkeztu zen eta 7 zinegotziak lortu zituen, Francisco Javier Pérez Cuevak alkate segitu zuen. 2016ko irailaren 13an David Campionek hartu zuen alkatetza zentsura mozio baten bidez.[5]
Udaletxea[aldatu | aldatu iturburu kodea]
- HELBIDEA: Santo Tomas kalea, 1
Alkateen zerrenda[aldatu | aldatu iturburu kodea]
| 2007-2011 | Francisco Javier Ekai Iltzarbe | Txurregui |
| 2011-2015 | Francisco Javier Pérez Cueva | Auzolan |
| 2015-2016 | Francisco Javier Pérez Cueva | Auzolan |
| 2016-2019 | David Campion | Auzolan |
Euskara[aldatu | aldatu iturburu kodea]
Antzinako kronikek dioten bezala, Iruñerriko betiko hizkuntza euskara izan da. Izan ere, Al-Himiari kronikagile musulmanak X. mendean Iruñerrikoaz idatzi zuen: "Gehienak euskaraz mintzatzen dira, eta, beraz, ez zaie ezer ulertzen".
XVI. eta XVII. mendeetan gaztelania ulertzen ez zutenak bazeuden Ollaranen. Baina XIX. mendean euskara arin galtzen hasi zen. 1863an Iruñerriko herri guztietan hitz egiten zen euskaraz, baina frankotan jadanik zaharrek baino ez zuten erabiltzen. 1904ko inkesta baten arabera, Ollarango Anotzen, Saldisen, Ollon, Ultzurrunen eta Senosiainen euskaraz mintzatzen zen. Ollaranen 1929an ere euskaldunak bazirela kontu jakina da. 1992ko abuztuan, hil egin zen Iruñerriko azken euskaldunzaharra, Beorburuko Esteban Garbisu.
Bibliografia[aldatu | aldatu iturburu kodea]
- Jose Maria Jimeno Jurio (zuzendaria), Nafarroako toponimia eta mapagintza. XI, Iruñea, 1992. ISBN 84-235-1149-9
Iruditegia[aldatu | aldatu iturburu kodea]
Erreferentziak[aldatu | aldatu iturburu kodea]
- ↑ Ollaran EODAn
- ↑ a b c d e f Euskal Herriari Begira. Udalbiltza.
- ↑ 155. araua: Nafarroako udal izendegia. Euskaltzaindia . Noiz kontsultatua: 2010-10-26.
- ↑ Horrela idatzita. Txurregi mendi baten izena da.
- ↑ (Gaztelaniaz) Diario de Noticias Navarra.
Ikus, gainera[aldatu | aldatu iturburu kodea]
Kanpo estekak[aldatu | aldatu iturburu kodea]
 |
Euskarazko Wikipedian bada atari bat, gai hau duena: Nafarroa |
- (Gaztelaniaz) Ollarani buruzko informazioa Nafarroako Gobernuaren webgunean.
- Herriaren urrutiko ikuspegia NA-7030 errepidetik, Google Street View-n.
Datuak: Q1647377
Multimedia: Ollo (Navarre)
| Ollaran |
| |
|---|---|---|
| Anotz | Arteta | Egillor-Beasoain | Iltzarbe | Ollo | Oskia | Saldise | Senosiain | Ultzurrun | ||
| |||||
