Ben Okri

Ben Okri
	; Irudi gehiago
Bizitza
Jaiotza	Minna, 1959ko martxoaren 15a (67 urte)
Herrialdea	Nigeria ; Erresuma Batua
Talde etnikoa	Urhobo people (en)
Hezkuntza
Heziketa	Essexeko Unibersitatea : literatura erkatua
Hizkuntzak	ingelesa; nigeriar pidgina; alemana
Jarduerak
Jarduerak	idazlea, kazetaria, eleberrigilea, autorea, olerkaria eta literaturan aditua
Lan nabarmenak	ikusi The Famished Road (en) ; Starbook (en) ; Songs of Enchantment (en) ; Every Leaf a Hallelujah (en) ;
Jasotako sariak	ikusi Britainiar Inperioko Ordenaren ofiziala ; Booker Prize (1991) : The Famished Road (en) ; Fellow of the Royal Society of Literature (1997) ; Knight Bachelor ;
Influentziak	Francis Bacon, William Blake eta Samuel Taylor Coleridge
Kidetza	Errege Literatura Elkartea; PEN; Royal National Theatre; Central School of Speech and Drama
Genero artistikoa	Postmodernitatea

Ben Okri (Minna, 1959ko martxoaren 15a) Nigeriako poeta eta eleberrigilea da. Narrazio-estrategia modernistak eta Nigeriako ahozko tradizio literarioa uztartu ditu.

Literaturako ikasketak egin zituen Essexeko Unibertsitatean (Ingalaterran). Ordurako, bazeramatzan urte batzuk idazten, eta eleberri bat argitaratua zuen: Loreak eta itzalak (1980). Essexen igaro zituen hiru urteetan, bigarren eleberria argitaratu zuen: Barne-paisaiak (1982). 1984tik 1985era, BBC World Servicen lan egin zuen, esatari gisa, Network Africa izeneko saioan. 1980tik 1987ra, West Africa aldizkariaren poesia-atalaren arduradun izan zen. Istiluak santutegian (1987) kontakizun-bildumak kritikaren interesa piztu zuen. 1988an, beste kontakizun-bilduma bat argitaratu zuen: Etxeratze-aginduko izarrak. Obra horretan, beste gehienetan bezala, afrikar mistizismoaren eta mendebaldeko bizitza modernoaren arteko halako sintesi bat lortzen saiatu zen. Hirugarren eleberria, Errepide gosetua (1991) lana, Afrikako espiritu-haurrei buruzko kontakizun poetikoa da, eta nazioarteko kritikaren onespena eta 1991ko Booker saria jaso zituen. Aurrerago, poema magikoei buruzko liburu bat idatzi zuen: Elegia afrikarra (1992). 1995ean, Jainkoak harrituz argitaratu zuen, sufrimenduari, botereari eta famari buruzko alegia bat. Idatzi dituen azken lanen artean, aipagarriak dira: Starbook (2007), Tales of Freedom (2009), A Time for New Dreams (2011), The Age og Magic (2014) eta The Freedom Artist (2019).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q315362
Multimedia: Ben Okri / Q315362