José Goñi Gaztanbide

José Goñi

Datu pertsonalak
Izen osoa	José Goñi Gaztanbide
Jaio	1914ko urtarrilaren 26a
	Aritzaleta, Deierri (Nafarroa)
Hil	2002ko azaroaren 21a (88 urte)
	Iruñea (Nafarroa)

José Goñi Gaztanbide (Aritzaleta, 1914ko urtarrilaren 26a - Iruñea, 2002ko azaroaren 21a) nafar elizgizon, irakasle eta historialaria izan zen. 1990ean Kulturaren Vianako Printzea Saria jaso zuen

Biografia

Cangas de Onísen, Iruñeko apaiztegian eta Erromako Gregoriotar Unibertsitate Pontifician ikasi ondoren, hiri honetan apaiztu zen 1937an. 1943-1968 bitartean, Elizako Historia irakasle izan zen Iruñeko apaiztegian, eta 1969tik aurrera Nafarroako Unibertsitateko katedraduna. Iruñeko katedraleko artxibozaina ere izan zen.

Lanak

Eliza Katoliko Erromatarraren historia baino ez zuen landu. Bere lanak Dictionnaire d'Histoire et Géographie Ecclésiastique, Diccionario de Historia Eclesiástica de España, Gran Enciclopedia Rialp hiztegietan eta Príncipe de Viana, Hispania Sacra, Anthologica Annua, Studia Monástica, Boletín de Estudios Históricos de San Sebastián, Archivum Historiae Pontificae, Estudios de Edad Media de la Corona de Aragón edo Cuadernos de Etnología y Etnografía de Navarra aldizkarietan argitaratu zituen.

Gainera liburu hauek ere idatzi zituen:

• Los navarros en el Concilio de Trento y la reforma tridentina en la Diócesis de Pamplona (Iruñea, 1947);
• Historia de la bula de Cruzada en España (Gasteiz, 1958);
• Catálogo del Archivo Catedral de Pamplona (Iruñea, 1965);
• Los españoles en el Concilio de Constanza (Madril, 1966);
• Historia de los obispos de Pamplona (10 lib., Iruñea, 1979-1994).

Erreferentziak

Wikimedia Commonsen badira fitxategi gehiago, gai hau dutenak: José Goñi Gaztanbide

• Datuak: Q9013897