Espainiako Alderdien Legea

Espainiako Alderdien Legea 2002ko ekainaren 27an Espainiako Gorteek onartutako legea da. Legearen helburua alderdi guztiek demokrazia eta konstituzioa errespetatzea da eta beraz bortizkeria onartzen duten alderdiak ezin dira demokratikoak izan. Modu honetan alderdiak legez kanpo uzteko bide administratiboa martxan jarri daiteke.

Legearen helburua Batasuna legez kanpo uztea izan zen eta horretaz baliatu dira Herri Batasuna, Euskal Herritarrok eta hainbat Herri Plataforma legez kanpo uzteko.

Lege honen alde alderdi hauek bozkatu zutenː Alderdi Popularra, PSOE, CiU, CC eta Alderdi Andaluzista. Guztira aldeko 304 boto izan zituen (Gaspar Llamazares, Izquierda Unidakoak akatz baten ondorioz alde bozkatu zuen baita ere). Jarraian agertzen diren alderdi hauen 16 boto aurka izan zituenː IU, EAJ, EA eta ERC, (ezker abertzalea ez zituen diputaturik 2000ko Espainiako hauteskunde orokorretarako abstentzioaren deia egin baitzuen) eta abstentziorik ez zuen izan.

Alderdien Legea aplikatu zaien alderdi politiko, hautes-elkarte nahiz koalizioak

• Batasuna, Herri Batasuna, Euskal Herritarrok
• 2003ko Udal Hauteskundeetako hamarna plataforma
• Autodeterminaziorako Bilgunea
• Aukera Guztiak
• Herritarren Zerrenda
• PCE (r)
• Eusko Abertzale Ekintza
• Euskal Herrialdeetako Alderdi Komunista
• Abertzale Sozialisten Batasuna
• Demokrazia Hiru Milioi
• Askatasuna
• Iniziatiba Internazionalista - Herrien Elkartasuna

Ikus gainera

• 1988-1994ko britainiar hedabideetako ahots zentsura

Kanpo loturak

• (Gaztelaniaz) Lege osoa