Colin Thubron

Wikipedia, Entziklopedia askea
Colin Thubron

Booker Prize judge (en) Itzuli

Bizitza
JaiotzaLondres1939ko ekainaren 14a (84 urte)
Herrialdea Erresuma Batua
BizilekuaLondres
Familia
AitaGerald Ernest Thubron
AmaEvelyn Kate Mary Dryden
Hezkuntza
HeziketaEton College
Hizkuntzakingelesa
Jarduerak
Jarduerakidazlea, eleberrigilea eta film-zuzendaria
Jasotako sariak
KidetzaErrege Literatura Elkartea

Colin Gerald Dryden Thubron (Londres, Ingalaterra, 1939ko ekainaren 14a -) britainiar eleberrigile eta idazlea da; John Dryden poetaren ondorengoa.

Biografia[aldatu | aldatu iturburu kodea]

Editore-lana utzi zuen bidaiatzeko eta idazteko aukera izatearren. Lehenengo liburuak Sortalde Hurbilari buruzkoak dira, Damasko, Libano eta Jerusalemi buruzkoak, batez ere. Egungo bidaia-liburuen idazle onenetakotzat jotzen da.

Brezhneven gobernuaren azkeneko urteetan, Errusiako mendebaldea esploratu zuen autoz. Bidaia hartan ikusi eta entzundakotik Among the Russians (1983, Errusiarren artean) idatzi zuen.

Txinako eskualde urrunenetako bateraino eraman zuen bidaia luze akigarri baten ondoren, Behind the Wall: A Journey through China (1987, Harresiaz bestalde: bidaia Txinan barrena) idatzi zuen, ekonomia- eta politika-egoera asaldatu batean kokatutako txinatarren eguneroko bizimoduari buruzko kontakizunez osatua. Ikuspegi beretik idatzi zuen The Lost Heart of Asia (1994, Asiako bihotz galdua), Asiako erdialdeko errepubliketako egoera aztergai harturik.

Idatzi dituen eleberriak ere goraipatuak izan dira, batez ere, bi hauek: A Cruel Madness (1984, Zoramen ankerra), zahar etxe batean sartuta dagoen pertsona baten lekukotasuna, eta Falling (1989, Erorikoa), maitasun-istorio bat.

Royal Society of Literature literatura-elkarteko lehendakaria da.

Thubronen azken eleberria To a Mountain in Tibet da (2011).

Kanpo estekak[aldatu | aldatu iturburu kodea]

Erreferentziak[aldatu | aldatu iturburu kodea]