Darwin Núñez

Darwin Núñez
	; (2022) Irudi gehiago
Bizitza
Jaiotzako izen-deiturak	Darwin Gabriel Núñez Ribeiro
Jaiotza	Artigas (en) , 1999ko ekainaren 24a (24 urte)
Herrialdea	Uruguai
Lehen hizkuntza	gaztelania
Hezkuntza
Hizkuntzak	gaztelania
Jarduerak
Jarduerak	futbolaria
Ibilbidea
	Parte-hartzailea 2019 FIFA U-20 World Cup (en) ; Premier League ; 2022ko Munduko Futbol Txapelketa ;
Posizio edo espezialitatea	aurrelaria
Kirol zenbakia	9; 9; 21; 24
Pisua	81 kilogramo
Altuera	187 zentimetro

Darwin Gabriel Núñez Ribeiro (Artigas, Uruguai, 1999ko ekainaren 24a), kirol munduan Darwin Núñez izenez ezagunagoa, uruguaitar futbol jokalaria da, aurrelari gisa jokatzen duena Ingalaterrako Premier Leagueko Liverpool F.C. taldean eta Uruguaiko selekzio nazionalean.

Gaur egun etorkizuneko izarretako bat izateko aukera gehien dituzten futbol jokalarien artean dago. Transfermarkt, futboleko merkatua aztertzen duen web orrialdearen arabera, 55 milioi euroko balioa du^[1].

Jokatzeko modua[aldatu | aldatu iturburu kodea]

Darwin Nuñez jokalari sendoa eta altua da, gorputzarekin abantailak ateratzen ditu, eta fisikoki oso trebea. Ezker hegalean zein erdi-aurrelari gisa joka dezake, dituen bertute ugariengatik.

Bere eboluzioa azken urteetan zinez esanguratsua izan da, besteak beste izkin egiten asko hobetu du, eta baita jokoko beste hainbat alderditan ere^[2].

Ibilbidea[aldatu | aldatu iturburu kodea]

Estatistikak[aldatu | aldatu iturburu kodea]

2022ko ekainaren 12n eguneratua.
Taldea	Herrialdea	Urteak	Partidua(k)	Gola(k)	Asistentzia(k)
Peñarol	Uruguai	2018-2019	22	4	1
Almeria	Espainia	2019-2020	32	16	3
Benfica	Portugal	2020-2022	84	47	16
Liverpool	Ingalaterra	2022-	0	0	0

Selekzio nazionala[aldatu | aldatu iturburu kodea]

Behe-kategorietan presentzia handirik izan ez zuen arren, Peñarolekin jokatzen hasi zenean, 2019an, 20 urtez azpiko selekzioak Hego Amerikako 20 urtez azpiko txapelketarako deitu zuten, eta geroago 20 urtez azpiko Mundu Txapelketarako. Bigarren honetan, nahiz eta Uruguai final zortzirenetan kanporatua izan zen, 4 partidu jokatu zituen, 2 gol sartuz eta asistentzia bat banatuz.

2019ko urriaren 16ean berriz, selekzio absolutuan egin zuen debuta, Peruren aurkako banako berdinketa batean, non bera izan zen goleagile. Ordutik 11 partidu jokatu ditu, eta beste gol bat sartu du. Etorkizunean Edinson Cavani eta Luis Suárez uruguaitar mitoen ordezkoa izateko aukerak ditu, eta 2022ko Qatarreko Munduko Txapelketan jokatuko du.