2022ko Munduko Futbol Txapelketa

Wikipedia, Entziklopedia askea
Jump to navigation Jump to search
2022ko Munduko Futbol Txapelketa
2022 كأس العالم لكرة القدم
Antolatzailea FIFA
Egoitza(k)  Qatar
Hasierra Azaroaren 21
Bukaera Abenduaren 18
Taldeak 32
Asistentzia -
Webgunea


2022ko Munduko Futbol Txapelketa 2022ko azaroaren 21etik abenduaren 18ra Qatarreko hainbat hiritan ospatuko den nazioarteko futbol txapelketa izango da. 22. Munduko Futbol Txapelketa izango da.

Arabiar munduan ospatuko den lehen txapelketa izango da, eta baita gehiengo musulmana daukan herrialde batean ospatzen den lehen aldia. Hego Korea eta Japonian ospatu zen 2002ko Munduko Futbol Txapelketaren ondoren Asian egingo den lehenengo txapelketa izango da.

Maiatza, ekaina edo uztailan ospatzen ez den lehen txapelketa izango da; Qatarren uda sasoian ematen diren tenperatura altuak direla eta, txapelketa azaroan eta abenduan jokatuko da.[1] 64 partida jokatuko dira bost hiriko 8 leku ezberdinetan.

32 futbol selekziok hartuko dute parte, horietatik 31 sailkapen txapelketen bidez eta Qatarreko futbol selekzio nazionala zuzenean, antolatzaile gisa. Finala abenduaren 18an jokatuko da Lusaileko Lusail Iconic Stadium-en.


Egoitzaren aukeraketa[aldatu | aldatu iturburu kodea]

2018 eta 2022ko Munduko Futbol Txapelketarako aukeraketa prozesua 2009ko urtarrilean itxi zen, eta elkarte nazionalek otsailaren 2ra arte izan zuten epea aurkezteko[2]. Hasiera batean, bederatzi herrialdek aurkeztu zuten egoitza izateko proposamena, baina Mexiko lehenengo aukeraketatik irten zen[3], eta Indonesia ere kaleratu zuten, ez baitzuen aurkeztu gutunik bere proposamena babesteko[4]. Aukeraketa prozesuan, UEFAko kide ziren herrialdeek 2022ko aukeraketarako prozesua utzi zuten 2018koaren alde, eta 2022rako bost proposamen aurkeztu ziren: Ameriketako Estatu Batuak, Australia, Hego Korea, Japonia, eta Qatar.

FIFAko Batzorde Exekutiboko hogeita bi kideek 2010eko abenduaren 2an bozketa egin zuten Zurichen. Qatarrek irabazi zuen laugarren botazio errondan. Estatu Batuen proposamena izan zen bigarrena. Hego Korea, Japonia eta Australia kanpoan geratu ziren aurreko bozketa errondetan.[5].

Emaitzak honakoak izan ziren[6]:

2022 FIFA bozketa (gehiengoa 12 boto)
Hautagaiak Botoak
1. erronda 2. erronda 3. erronda 4. erronda
Qatar 11 10 11 14
AEB 3 5 6 8
Hego Korea 4 5 5 Kaleratua
Japonia 3 2 Kaleratua
Australia 1 Kaleratua

Txapelketa Qatarren ospatzeko erabakiak kritika ugari jaso zituen, eta hedabide askok FIFAren ustelkeriaren itzala salatu zuten, FIFAk barne-ikerketa bat zabaldu zuelarik.[7]

FIFAk txapelketa ospatzeko aukeratu duen herrialde txikiena da Qatar hedaduraz, 1954ko Munduko Futbol Txapelketa jaso zuen Suitza baina hiru aldiz txikiagoa.

Babesletza[aldatu | aldatu iturburu kodea]

Babesle Globala[aldatu | aldatu iturburu kodea]

  • FIFA.com
  • FIFA Living Football

Egoitzak eta estadioak[aldatu | aldatu iturburu kodea]

Lusail Al Khor Al Rayyan
Lusail Iconic Stadium Al Bayt Stadium Education City Stadium Al Rayyan Stadium
Edukiera: 80.000
(eraikitzen)
Edukiera: 60.000
(eraikitzen)
Edukiera: 45.350
(eraikitzen)
Edukiera: 44.740
(txapelketarako handitua)
Ahmed bin ali stadium.jpg
Al Wakrah Doha
Al Janoub Stadium Ras Abu Aboud Stadium Al Thumama Stadium Khalifa International Stadium
Visita ao estádio de futebol Al Janoub.jpg Khalifa International Stadium (1).jpg
Edukiera: 40.000 Edukiera: 40.000
(eraikitzen)
Edukiera: 40.000
(eraikitzen)
Edukiera: 40.000
(berriztatua)

Erreferentziak[aldatu | aldatu iturburu kodea]

  1. Fifa, Qatar 2022: Mondiali dal 21 novembre al 18 dicembre
  2. Soccer Insider - Future World Cups . Noiz kontsultatua: 2018-06-14.
  3. (Ingelesez) FIFA.com (2009-09-29) «Mexico withdraws FIFA World Cup bid» FIFA.com . Noiz kontsultatua: 2018-06-14.
  4. (Ingelesez) Indonesia 2022 World Cup bid over 2010-03-19 . Noiz kontsultatua: 2018-06-14.
  5. (Ingelesez) England miss out in 2018 Cup vote 2010-12-02 . Noiz kontsultatua: 2018-06-14.
  6. (Ingelesez) Doyle, Paul; Busfield, Steve (2010-12-02) «World Cup 2018 and 2022 decision day - live! | Paul Doyle and Steve Busfield» the Guardian . Noiz kontsultatua: 2018-06-14.
  7. Qatar world cup part of FIFA corruption scandal; The Guardian, 2015ko ekainak 7

Kanpo estekak[aldatu | aldatu iturburu kodea]