Eskoziako Independentzia Gerrak

Eskoziako Independentzia Gerrak XIII. mendeko bukaeran eta XIV. mendeko hasieran Eskozia eta Ingalaterrako erresumen artean egindako kanpaina militarrak izan ziren. Aztoramen handiko epe honek utzitako agiri eragingarri eta esanguratsuena Arbroatheko Aldarrikapena izan zen (1320): eskoziar herriaren askatasunaren baieztapena.

• Lehendabiziko Gerra (1296–1328) 1296an Ingalaterrak Eskozia inbaditu zuenean hasi eta Edinburgo-Northamptongo ituna sinatu zutenean bukatu zen. Gerra honen protagonistak William Wallace, Andrew de Moray eta Roberto I.a Eskoziakoa izan ziren eskoziarren alde, ingelesen alde, berriz, Eduardo I.a Ingalaterrakoa.
• Bigarren Gerra (1332–1357) 1332an ingelesen laguntzarekin Eduardo Balliolk zuzendutako inbasioarekin batera hasi eta Berwickeko ituna sinatu zutenean bukatu zen. Gerra honen protagonistak David II.a Eskoziakoa eskoziarren alde eta Eduardo Balliol eta Eduardo III.a Ingalaterrakoa ingelesen alde izan ziren.

Eskoziarako krisialdi izugarria suposatu zuten 60 urteko gerrate hauek. Izan ere, bere historiaren momentu erabakigarria izan zen. Gerra biak bukatu ondoren, Eskoziak bere independentzia mantendu zuen. Militarki, ingeles arku luzearen agerpenak zeharo aldatu zituen Erdi Aroko guduak.

Bibliografia

• (Ingelesez) BBC: Wars of Independence

Ikus, gainera

• Elizjendearen Adierazpena

Kanpo estekak

• Datuak: Q1368240
• Multimedia: Wars of Scottish Independence

Artikulu hau Eskoziako historiari buruzko zirriborroa da. Wikipedia lagun dezakezu edukia osatuz.