Fabien Hastoy

Wikipedia, Entziklopedia askea
Jump to navigation Jump to search
Fabien Hastoy
Bizitza
Jaiotza Lexantzü1869ko otsailaren  20a
Herrialdea  Zuberoa, Euskal Herria
Heriotza Atharratze1950eko urtarrilaren  7a (80 urte)
Jarduerak
Jarduerak idazlea eta irakaslea

Jean Fabien Hastoy[1][2] (1869ko otsailaren 20a[3] - Atharratze 1950eko urtarrilaren 7a) idazle eta irakasle zuberotarra zen.

Biografia[aldatu | aldatu iturburu kodea]

Urte batzuk geroago hutsik geratu zen Iragoren etxean jaio zen, Lexantzün.

Aita Lexantzüko errienta[4] izan zen eta bera ere lanbidez irakaskuntzaz aukeratu zuen; Lehen mailako eskola publikoetan aritu zen: lehen Lapurdin (Senpere, Sara, Azkaine eta Ezpeletan) eta gero denbora luzeagoaz Basabürüara itzulita Alozen.

Fabien Hastoyren alaba bat "André Hastoy" (emaztearen deitura hartuta) izenez ezaguna den margolari eta olerkariarekin bizi da Basabürüan; benetako izenez "André Capoulade", 2009ko azaroaren 28an hil zen 89 urterekin. Zuberoatik kanpo jaioa bazen ere, herrialde honetako erreferentzia kultural garrantzitsu bat izan da[5].

Lanak[aldatu | aldatu iturburu kodea]

Laburbilduz esan daiteke han-hemen asko idatzi zuen gizona izan zela baina bere idazki gehienak oraindik ez daudela behar bezala bildu eta aztertuta.

Artikulu anitz idatzi zituen zenbait agerkaritan; 1936ren inguruan batez ere Betzülako aize ephailia ezizenez sinatzen zituen artikuluak.[6] Agerkariak:

Istorio eta antzerki lan txikiak ere prestatu zituen, Madalena Jauregiberrirekin elkarlanean eskoletan emateko.

Helburu berarekin La Fontaineren hamabost alegia euskararako maisuki egokitu zituen eta horiek izan dira famarik gehien eman ziotenak. Jean-Louis Davantek erreferentziazko liburuetan[7] Igelak idia bardintü nahi eta Txitxatera eta ünhürria aukeratu zituen; azken hau 1936an atera zen Gure Herria aldizkarian eta Davantek bi bertsiotan eskaintzen du, zubereraz eta batura egokitutakoa.

Etxahun Barkoxeren kantu batzuk ere bildu zituen eta Aita Donostia arduratu zen harmonizazioaz.

Iturriak[aldatu | aldatu iturburu kodea]

Erreferentziak[aldatu | aldatu iturburu kodea]

  1. Ikus Madalena Jaureguiberry "Bidegileak" bilduman, 15.or.
  2. Baliteke Hastoi izatea deituraren forma normalizatua baina kontsultatutako dokumentu ia guztietan Hastoy baino ez da erabiltzen, euskaraz ere; salbuespen bakarra Zuberoako bedatse loraduna artikulua da, Joxemiel Bidadorrek idatzia eta kontuan hartzeko modukoa.
  3. Hala errepikatzen da Zuberoako idazle zenduak liburuan eguna eta guzti baina Zuberoako literaturaz. Antologia laburra berriagoan 1879 agertzen da, egunik gabe; biak Jean-Louis Davantenak.
  4. Hitz hori Zuberoan "irakasle" hitzaren sinonimoa da.
  5. Iksuy artikulua blog honetan.
  6. Hau izan zen bere artikulu askotan erabiltzen zuen sinadura; Betzüla mendi bat da, Larrainetik gora dagoena, Bortüetan.
  7. Ikus "Iturriak" atala.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]