Full Metal Jacket

Full Metal Jacket
Jatorria
Argitaratze-data	1987
Izenburua	Full Metal Jacket
Jatorrizko hizkuntza	ingelesa
Jatorrizko herrialdea	Erresuma Batua eta Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	gerra-filma, film dramatikoa eta eleberri batean oinarritutako filma
Iraupena	116 minutu
Kolorea	koloretakoa
Egile-eskubideak	copyrightduna
Deskribapena
Oinarritua	The Short-Timers (en)
Grabazio lekua(k)	Pinewood Studios
Zuzendaritza eta gidoia
Zuzendaria(k)	Stanley Kubrick
Gidoigilea(k)	Michael Herr; Gustav Hasford; Stanley Kubrick
Antzezlea(k)
	Adam Baldwin ; Matthew Modine ; Vincent D'Onofrio ; R. Lee Ermey ; Arliss Howard ; Dorian Harewood ; Ed O'Ross (en) ; John Terry ; Stanley Kubrick ; Vivian Kubrick (en) ; Steve Hudson (en) ; Kevyn Major Howard (en) ; Tim Colceri ; Bruce Boa (en)
Ekoizpena
Ekoizlea	Stanley Kubrick
Konpainia ekoizlea	Warner Bros.; Hawk Films (en) ; Natant; Warner Bros. Pictures
Ekoizle eragilea	Jan Harlan (en)
Edizioa	Martin Hunter (en)
Ekoizpen-diseinatzailea	Anton Furst (en)
Bestelako lanak
Musikagilea	Vivian Kubrick (en)
Argazki-zuzendaria	Douglas Milsome; Stanley Kubrick
Fikzioa
Kontakizunaren tokia	Hego Carolina
Argumentu nagusia	Vietnamgo gerra
Historia
Jasotako sariak	Boston Society of Film Critics Award for Best Director (en) ; David di Donatello for Best Producer (en) ; Boston Society of Film Critics Award for Best Supporting Actor (en) ; National Board of Review: Top Ten Films (en)
Nominazioak	Egokitutako gidoi onenaren Oscar Saria ; 60. Oscar Sariak ; Stanley Kubrick, Michael Herr, Gustav Hasford
Bideoa	YouTube

Full Metal Jacket (euskaraz Metalezko jaka osoa) Stanley Kubrick estatubatuar zinema zuzendariaren 1987ko film bat da. Aktore nagusiak hauek izan ziren: Matthew Modine, Adam Baldwin, Vincent D'Onofrio eta R. Lee Ermey.

Gidoia Gustav Hasford idazlearen The Short Timers 1979ko eleberriari oinarrituta dago; aldiz, izenburua gerra hartan Ameriketako Estatu Batuetako Indar Armatuetako infanteriako soldaduek zerabilten Full Metal Jacket balari lotuta dago. 1987ko Egokitutako gidoi onenaren Oscar Sarirako izendapena jaso zuen.

Filmak Ameriketako Estatu Batuetako Marineen talde baten nondik norakoa bi zatitan banatuta azaltzen du: lehenengoan, AEBetako entrenamendua agertzen da, eta bigarrenean, jada Vietnamgo Gerran, soldadu haien bizipen latza.

Argumentua

Oharra: Atal honek istorio osoa edo amaiera argitzen du.

Entrenamendua

1967an Vietnamgo Gerra puri-purian dagoela, estatubatuar errekluta gazte talde berri bat Hego Carolinako Parris Island erreklutamendu koartelera iritsi eta oinarrizko heziketa militarra jasotzera doaz. Artileriako Hartman (R. Lee Ermey) sarjentu oldarkor eta desatseginak harrera egin die: bere taktika gogorra eta izaera latza darabiltza, erreklutak denbora laburrean Ameriketako Estatu Batuetako Marine gogor bilakatu eta gerran lehenbailehen sar daitezen. Errekluton artean, honakoak daude: Joker ("Bufoi", Matthew Modine); Cowboy texastarra (Arliss Howard), eta Gomer Pyle ("Balea koipe") Leonard Lawrence (Vincent D'Onofrio).

Hartmanen entrenamendu metodoa irain, gehiegikeria eta zapalkuntzan oinarritua da; horren ondorioz, laster Gomer Pyle erreklutaren baldarkeria eta ahulezia mentalarengatik (eskuina eta ezkerra behin nahastu ditu, ez daki ohea egiten, ezta oinetako lokarriak lotzen ere), Hartmanen haserrea eta ankerkerien jomuga da. Joker errekluta ahal duen modura gauzak irakasten saiatu da, baina Gomer Pylek maiz hanka sartzen duenez, Hartmanek talde osoa zigortzea erabaki du. Horregatik, marine taldeak mendekua hartu eta gauez Gomer Pyle errekluta jipoitu du. Handik gutxira, Hartmanen harridurarako, Gomer Pylek gainontzeko erreklutak baino askoz ere hobea dela nabari da fusilaren muntaketan eta desmuntaketan nahiz tiro ariketaetan: oso soldadu disziplinatua bilakatu da, baina une hartatik aurrera, burua galtzen ere hasi da. Azkenik, erreklutek bere entrenamendu gogorra gainditu eta lizentziaren eguna iritsi zaie. Aurreko gauean, gainontzekoak lo daudenean Gomer Pyle koarteleko komunetan fusil eta bala batzuekin sartu eta bertan bakarrik hizketan hasi da. Joker horretaz ohartu eta bera lasaitzen saiatu da, baina Hartman ere builaz konturatuta, komunean sartu da, erreklutei oihu egin, eta Gomer Pylek Hartman tiroz hil ondoren, bere buruaz beste egin du, Jokerren aurre-aurrean.

Vietnamgo gerra

1968ko urtarrila. Joker kaboa da eta "Barra eta Izarrak" aldizkari militarreko kazetari da; Rafter Man ("Bazter-txikitzaile") ezizena duen soldadu eta argazkilariarekin bat lan egin ohi du. Maiz beste marine batzuek Jokerri "mila metroetako begirada" ez duela adierazi ohi diote, hots, gerra ekintzetan zuzenean sartuta egon eta heriotza ikusi duenaren begirada.

Halako batean, Lockhart tenienteak Phu Bai eremura gerrari buruz berri ematera bidali ditu. Han, Jokerrek Lusthog eskoadra topatu eta haien sarjentua eta aginteko bigarrena bere entrenamendu garaiko Cowboyrekin topo egin du.

Berehala, eskoadrako komandante Walter J. Schinowski Mr. Touchdown (Ed O'Ross) gerra ekintzan hil da, ondoren taldeko buru Crazy Earl (Kieron Jecchinis) mina batez akatu dute, eta Cowboy eskoadrako buru bilakatu da.

Hondakinez beteriko eremu batera iritsitakoan, soldaduek hura miatu eta etsairik ez dagoela ziurtatu behar dute: Viet Congeko tiratzaile batek Eightball (Dorian Harewood) soldadu afroamerikara zauritu du eta lurrean dagoela, Ja Doc (John Stafford) sendagilea hura laguntzera hurbiltzean, tiratzaileak sendagilea ere zauritu du. Eskoadrako soldaduek adiskideak laguntzeko irrikaz daude, baina badakite nonbaitetik tiratzailea haiei begira eta tiro egiteko amarru bat dela.

Azkenik, Eightballen lagunik Animal Mother (Adam Baldwin) soldaduek, Cowboyren aginduei jaramonik egin gabe, arrisku eremuan barneratu eta tiratzaile bakarra dagoela ikusi du. Zoritxarrez, une hartan tiratzaileak Eightball eta Doc hil ditu: haren bila dabiltzala, hark Cowboy ere tiroz jo eta Joker adiskidearen besoetan hil da.

Azkenik, tiratzaileak marineak estuasunean dituela dirudienean, eskoadrak tiratzailea larri zauritu eta vietnamdar neska nerabe bat dela ohartu dira. Neska hiltzorian dagoela, eskoadrak harekin zer egin eztabaidatzen hasi dira: Animal Motherrek eta beste batzuek poliki sufrituz hil dadin nahi dute, baina Jokerrek tiro batez hil du. Gainontzeko soldaduek zoriondu eta jada "mila metroetako begirada" duela jakinarazi diote.

Filmaren amaieran biziraun duten eskoadrako marineak euren kanpamendura Mickey Mousen kanta abestuz doaz. Jokerrek azken gogoeta hau egin du: mundu kaka zahar batean egon arren, bera bizirik egon eta beldurrik ez izateaz pozik dagoela.

Aktoreak

Matthew Modine, James T. Joker Davis (Bufoi) marine/sarjentua.
Vincent D'Onofrio, Leonard Gomer Pyle Lawrence (Balea koipe / Baldar) errekluta.
R. Lee Ermey, Hartman artileria sarjentua.
Arliss Howard, Cowboy Evans, marine/sarjentua.
Adam Baldwin, Animal Mother (Basapizti).
Dorian Harewood, Eightball (Zortzigarren bola), hots, bilarreko bola beltza), eskoadrako afroamerikar marinea.
Kevyn Major Howard, Rafter Man (Bazter-txikitzaile) marinea/argazkilaria.
Ed O'Ross, Walter J. Touchdown Schinowski, Lusthog eskoadrako komandatea eta agintari nagusia, beisbol jokalari ohia.
John Terry, Lockhart tenientea, Joker eta Rafter Man marineen argitaratzailea.
Kieron Jecchinis, Crazy Earl, eskoadrako bigarren agintaria.
John Stafford, Doc Jay, eskoadrako sendagilea.
Tim Colceri, aire-logistikako arduraduna eta helikopteroko metraileta tiratzailea.
Papillon Soo Soo, Da Nang Hooker, vietnamdar prostituta.
Peter Edmund, Snowball Brown (Elur maluta), afroamerikar errekluta.

Kanpo estekak

Full Metal Jacket filmaren iragarkia ikusgai (Ingelesez)
Full Metal Jacket filmaren IMDBko fitxa irakurgai (Ingelesez)

Datuak: Q243439
Multimedia: Full Metal Jacket / Q243439

i e a Stanley Kubrick
Zuzendaria	Fear and Desire (1953) Killer's Kiss (1955) The Killing (1956) Paths of Glory (1957) Spartacus (1960) Lolita (1962) Dr. Strangelove (1964) 2001: A Space Odyssey (1968) A Clockwork Orange (1971) Barry Lyndon (1975) The Shining (1980) Full Metal Jacket (1987) Eyes Wide Shut (1999)
Laburmetraiak	Day of the Fight (1951) Flying Padre (1951) The Seafarers (1953)
Bestelakoak	World Assembly of Youth (1952) A.I. Artificial Intelligence (2001) Stanley Kubrick: A Life in Pictures (2001) Colour Me Kubrick (2006) Stanley Kubrick's Boxes (2008) Room 237 (2012)