Futurama telesailaren pertsonaiak

Futurama marrazki bizidunetako telesailaren pertsonaiak.

Pertsonaia nagusiak

• Philip J. Fry: berez XX. mendean jaioa, baina istripuz XXXI.ean amaitu duen pizza banatzaile gaztea da. Etorkizuneko mendean, banatzaile gisa lan egiten segitzen du, Planet Express enpresan. Leela lankideaz maitemindurik dago.
• Bender Tolestutzaile Rodriguez: robot alkoholiko, erretzaile, kleptomano, neskazale eta jenio bizikoa da; Mexikon fabrikatua izan zen eta bere espezializazioa gauzak tolestea da. Fryren lagunik onena da eta elkarrekin bizi dira.
• Turanga Leela: begi bakarreko neska gaztea, umezurtz etxe batean hezi zen; bere jatorria ezagutzea haren nahirik handiena da. Fry ezagutu zuenean, harekin batera Planet Expressen lanean hasi zen, espazio-ontziko kapitain gisa.
• Hubert J. Farnsworth Irakaslea: agure hori Planet Expressko burua eta belaunaldi askoren ondorengo Fryren biloba da. Zientzialaria den aldetik, denbora asmakizun harrigarriak egiten pasatzen du.
• Amy Wong: Marteko familia dirudun baten alaba bakarra da. Planet Expressen ingeniari gisa lan egiten du.
• John A. Zoidberg Doktorea: txipiroi gorriaren itxurako estralurtarra da; eskuen ordez bi matxarda handi ditu. Planet Expressko medikua da.
• Hermes Conrad: Jamaikan jaioa; Planet Expressko gai burokratiko guztiez arduratzen da. Labarbara izeneko emakume batekin ezkonduta dago eta seme bat dute.

Bigarren mailako pertsonaiak

• Hozkadatxo: Leelaren maskotarena egiten du, baina berez Lurrean eginkizun batzuk betetzen ari da.
• Zapp Brannigan: Lurreko armadaren burua da. Leelarekin oheratu zen behin eta handik aurrera ez du pakean uzten.
• Kif Kroker: Zapp Braniganen laguntzaile estralurtarra da eta Amy Wongen mutil laguna.
• Scruffy: Planet Expressko atezaina.
• Cubert Farnsworth: Hubert Farnsworth Irakaslearen klon gaztea. Ez ditu aurrekoaren pausoak jarraitu nahi. Dwight eta Tinny Timen laguna da.
• LaBarbara Conrad: Hermesen emaztea.
• Dwight Conrad: Hermes eta LaBarbararen semea eta Cubert eta Tinny Timen laguna da.
• Leo eta Inez Wong: Amyren gurasoak. Marteko familiarik aberatsena dira.
• Turanga Morris eta Munda: Leelaren gurasoak. Estoldetan bizi den mutante bikotea.

Doilorrak

• Ama: Lurreko robot enpresa garrantzitsuenaren zuzendaria. Amona zahar on baten itxura ematen du komunikabideen aurrean baina, berez, oso zitala eta zekena da.
• Walt, Larry eta Igner: Amaren hiru semeak.
• Ogden Wernstrom Doktorea: Farnsworth Irakaslearen ikasle ohia eta etsaia.
• Richard Nixon: XX. mendeko AEBetako lehendakari berberaren burua da. XXXI. mendean, Lurreko lehendakaria da.
• Lrrr eta Ndnd: Omicron Persei 8 planetako buruzagiak dira.
• Bizar Zuri Robota: Santa Clausen lana egiteko sortu zuten robota da. Akats baten erruz bere ustez inor ez da opariak jasotzeko bezain ona eta oso arriskutsua da.
• Donbot, Joey Mousepad eta Kurrika: Robot mafioso taldea.
• Deabru Robota: Lurrean dagoen benetako infernu baten deabru robota da.
• Roberto: Robot psikopata eta lapurra da. Benderren laguna.
• Barbados Slim: LaBarbararen mutil lagun ohia eta Hermesen etsaia.

Famatuak

• Calculon: Lurreko aktore robot famatua. Telesailetan egiten du lan gehienbat.
• Morbo eta Linda: telebistako bi kazetari dira. Lehena estralurtar beldurgarri bat da eta bigarrena neska hilehori gazte bat.
• Hypnoapoa: bere begiekin hipnotizatzeko boterea duen apo handia. Telebistako programa bateko protagonista bakarra da.
• Famatuen buruak: historiako famatu askoen buruak, ontzi barruan daude.
• Elzar: neptunoar sukaldari prestigiotsua. Lurreko jatetxe batean lan egiten du.

Beste pertsonaiak

• Tim Txikia: Robot haur hankamotza. Cubert eta Dwighten laguna da.
• URL eta Smitty: New New Yorkeko bi polizia. URL robota da, eta Smitty gizakia. Biak homosexualak dira, eta elkarrekin irtetzen dute.
• Ethan Tate: Harlem Globetrottersen lider adimentsua da, eta Planet Express langileen laguna.
• C. Randall Poopenmeyer Alkatea: New New York hiriko alkatea.
• Hedonismbot: Urrezko robota, grezia zaharraren enperadore bat bezala jokatzen du.
• Hattie McDoogal: Katu batsuk duen andre zahar bat da.
• Petunia: Antza denez prostituta lan egiten duen emakume bat da.
• Preacherbot: Lurreko erlijio nagusienetako baten apaiz robota da.
• Hyperoilarra: Lurreko oilar itsurako abokatu bat. Bere lanean ez da oso ona.
• Flexo: Benderren antza handia duen robota da.

XX. mendearen jendea

• Panucci Jauna: Pizzeria bateko jabea eta Fryren nagusia XX. mendean.
• Yancy Fry: Fryren anaia handia.
• Fryren gurasoak: Fry eta Yancyren aita eta ama.
• Philip J. Fry II: Yancy Fryren semea, osabaren izen bera daramana. XXI. mendean Martera iritsi zen lehen pertsona izan zen.
• Seymur: Fryren XX. mendeko txakurra.
• Michelle: XX. mendeko Fryren neska laguna, bera ere XXXI. mendera joan zen.

Filmetako pertsonaiak

• Lars Fillmore: Buruen museoko langilea eta Leelaren mutil laguna.
• Nudar: Estralurtar talde baten burua da denbora bidaien sekretua bereganatzen duena.
• Lilu: Fryk zaintzen duen itsasoko narbala da.
• Zylex: Lehen filmeko kredituetan protagonista moduan agertzen da, baina gero ez du ezer egiten.
• Colleen: Bost mutil lagun dituen neska gaztea (horietako bat Fry da).
• Yivo: Beste dimentsio bateko izakia milioka garroz osatutakoa.
• Fanny: Donboten emazte robota.
• Frida Waterfall: Neska feminista eta ekologista gaztea.
• Hutch Waterfall: Talde sekretu bateko kidea den eskalea.
• Encyclopodak: Desagertzear dauden izakien ADNa gordetzen duen izakia.
• Iluna: Unibertsoko izaki guztiak akabatu nahi dituen izakia.

• Datuak: Q2068284
• Multimedia: Futurama characters / Q2068284