Garondo-hezur

Wikipedia, Entziklopedia askea
Garondo-hezur
Occipital bone - animation 02.gif
Giza buru-hezurra (okzipitala behe-eskuinaldean).Commons-logo.svg Irudi gehiago
Xehetasunak
Honen parteBurezurra
Kalota
KokapenaBurezurra
Konponenteaksuperior nuchal line (en) Itzuli
inferior nuchal line (en) Itzuli
highest nuchal line (en) Itzuli
squamous part of occipital bone (en) Itzuli
basilar part of occipital bone (en) Itzuli
lateral part of occipital bone (en) Itzuli
ArtikulazioaHezur parietala
Loki-hezurra
Esfenoide hezurra
atlasa
Identifikadoreak
Latinezos occipitale
MeSHA02.835.232.781.572
TAA02.1.04.001
FMA52735
Hezurraren terminologia anatomikoa

Garondo-hezurra garezurraren atze-behealdean kokatzen den hezur bakuna da. Esfenoide, loki eta pareta hezurren artean kokatzen da.

Deskribapen anatomikoa[aldatu | aldatu iturburu kodea]

Lau zati ditu: oinaldeko zatia, ezkata eta bi alboko zati.

Oinaldeko zatia[aldatu | aldatu iturburu kodea]

Burezur oinaldean kokatzen da eta zulo nagusiaren aurrean dagoen xafla estua da. Garezurraren kanpoalde eta behealdean eztarri tuberkulua du. Esfenoidearen atzeko klinoide irtenguneekin giltzatzen da, sinkondrosi motako jostura baten bidez (esfenoide-garondoetako sinkondrosia), clivusa osatuz. Alboaldeek loki hezurraren harri itxurako zatiarekin bat egiten dute, sigmoide zabalgunearen ildoan.

Alboko zatiak[aldatu | aldatu iturburu kodea]

Zulo nagusiaren behe alboan kokatzen dira eta bertan garondo kondiloak daude. Kondiloak lehen ornoarekin (atlasa) gitzatzen dira, giltza aurpegien bidez. Kondiloen atzekaldean kondilo kanalaren inguruko depresioak diren kondilo hobiak daude, bakoitza albo batean. Aurrean, hipogloso nerbioaren kanal zabala dago. Nerbio horrek ibilbide laburra egin eta garezur barruan irekitzen da. Kondiloen alboetara jugular muxarradura dago. Muxarradura hori garondo hezurra loki hezurrarekin lotzean, zulo bilakatzen da, jugular zuloa osatuz.

Ezkata[aldatu | aldatu iturburu kodea]

Zulo nagusitik atzerantz eta gorantz proiektatzen den zati zabal eta laua da. Zatirik handiena pareta hezurrari lotzen da. Behekaldetik, mastoide irtengunearekin giltzatuta egongo da.

Barrutik, zain zabalguneen aztarnak antzematen dira. Egiturarik nabarmenena, gurutze itxurako goragunea da, ezkata barnealdetik lau ataletan banatuko duena. Goiko bi hobiak garondo lobuluentzat izango dira eta behekoak garuntxo lobuluentzat. Gurutze honen erdiguneari barruko garondo goragunea deritzo eta hortik behera barruko garondo gangarra dago.

Kanpoaldean, giharren lotuneek uzten dituzten aztarnak nabari dira. Zulo nagusiaren atzeko ertza eta ezkataren goiko ertzaren erdibidean kanpoko garondo goragunea dago. Honen behekaldean, garondopeko lerro gorena, goikoa eta behekoa daude. Kanpoko garondo gangarra goiko lerrotik zulo nagusira abiatzen den gangar bertikala da.

Garondo hezurrarekin loturiko anomaliak[aldatu | aldatu iturburu kodea]

  • Platibasia: garondo hezurra laua izango da.
  • Inbaginazio basilarra: garondo hezurraren malformazioa. Lepoaren altuera txikitzen da eta garun, nerbio eta bizkar muina zapaltzen ditu.
  • Atlasaren asimilazioa: garondo hezurra eta atlasa fusionatuta daude.

Irudi gehigarriak[aldatu | aldatu iturburu kodea]

Garondo hezurraren kokapena garezurrean
Garondo hezurraren barneko ikuspegia
Kanpoko azalera

Kanpo estekak[aldatu | aldatu iturburu kodea]


Anatomia Artikulu hau anatomiari buruzko zirriborroa da. Wikipedia lagun dezakezu edukia osatuz.