Gema López Las Heras

Gema López Las Heras
	;
Bizitza
Jaiotza	Azkoitia, 1989ko urriaren 22a (34 urte)
Herrialdea	Gipuzkoa, Euskal Herria
Familia
Anai-arrebak	ikusi Maite López;
Hezkuntza
Heziketa	Euskal Herriko Unibertsitatea
Hizkuntzak	euskara; gaztelania; ingelesa; frantsesa; alemana
Jarduerak
Jarduerak	itzultzailea
Enplegatzailea(k)	Eusko Jaurlaritza

Gema López Las Heras (Azkoitia, Gipuzkoa, 1989ko urriaren 22a) itzultzailea da.^[1]

Biografia[aldatu | aldatu iturburu kodea]

Gemari txikitatik gustatu izan zaizkio hizkuntzak. Batxilergoan izan zuen zer ikasi ez zekien bolada bat, baina, azkenean, Itzulpengintza eta Interpretazioa ikastea erabaki zuen, eta gustura dago egindako hautuarekin.^[2]Itzulpengintza eta Interpretazioan lizentziatua da Euskal Herriko Unibertsitaten.^[3]

Lanbidez itzultzailea da Eusko Jaurlaritzaren HAEEn (Herri Arduralaritzaren Euskal Erakundea). Administrazioko itzultzaile lanetan aritzetik literaturarako urratsa egin zuen Jardun horretan Literatura Unibertsala bildumarako The Country Girls, Landa aldeko neskak (2022, Erein) Edna O'Brienen trilogiako lehen liburua ekarri zuen euskarara.^[2]

Ildo horretatik, Annie Ernauxen “Emakume izoztua” euskaratu zuen 2023an Jokin Zaitegi lehiaketa irabazi ostean. Euskaraz eman den Ernauxen seigarren lana da. Idazleak bere bizitzari atzera begiratua emateko ariketa egiten du liburu honetan, jaioterritik zergatik alde egin zuen ulertzeko ahaleginean.^[1]

Argitalpenak[aldatu | aldatu iturburu kodea]

Itzulpenak[aldatu | aldatu iturburu kodea]

Landa aldeko neskak (Erein-Igela, 2022). 1960. urtean argitaratu zenean, mundu osoan ospea lortu zuen Edna O’Brienek idatzitako eleberriaren itzulpena.^[4]^[5]