Georgina Rizk

Georgina Rizk
	; Irudi gehiago
Bizitza
Jaiotza	Beirut, 1953ko uztailaren 23a (70 urte)
Herrialdea	Libano
Familia
Ezkontidea(k)	Muharram Fouad (en) ; Ali Hassan Salameh (en) ; Walid Toufic (en)
Jarduerak
Jarduerak	modeloa, Socialitea, edertasun lehiaketan parte-hartzailea eta aktorea

Georgina Rizk, arabiarrean جورجينا رزق (Beirut, Libano, 1953ko uztailaren 23a) libanoar aktorea eta modeloa izan zen, 1971 Miss Unibertso erregina izan zena. Libanoren eta arabiar etniaren ordezkari izan zen lehen Miss Unibertsoa izan zen.^[1]^[2]^[3]

Biografia[aldatu | aldatu iturburu kodea]

Beiruten jaiotako familia kristau batekoa da Georgina. Aita Libanokoa eta ama Hungariakoa zen, eta 14 urte zituela hasi zen modelo lanetan. Andrée Lavidiotti modelo eta ekoizleak aurkitu zuen eta harexek sartu zuen edertasun-lehiaketen munduan, potentzial handia zuela ikusita. «Edertasuna diziplina da», esan zuen. Georginak dieta zorrotza egin zuen eta dantzan eta makillajean zuen esperientzia aplikatu zuen, modako feria eta desfileetan parte hartzeko. Laster hasi zen modelo profesional lanean merkatu txikian eta Beiruteko moda mugatuan. 1970ean Miss Libano hautatu zuten eta azaroan Miss Mundon parte hartu zuen Londresen, baina ez zuen lortu sailkatzerik. Tituluak hurrengo urtean bere herrialdea Miss Unibertson ordezkatzeko ere eskubidea eman zion.^[4]

Miss Unibertso[aldatu | aldatu iturburu kodea]

Miamira joan baino lehentxeago, igarle batek kartak bota zizkion eta urruneko lurralde batera joango zela eta ospea eta dirutza izango zituela esan zion.^[5]

Aurreko Munduko Miss txapelketan arrakastarik gabe lehiatu ondoren, Miss Unibertson ikuskizun handia izan zuen bainu eta gaueko jantzietan; haren jantzi formala odaliska estilokoa izan zen, eta sabela erakutsi zuen, arabiar estiloko brodatuez betea, ordura arte parametro guztiak hautsi zituela, eta faboritoa izaten hasi zen.^[5] Azkenean, 5 finalisten artean bera izan zen aukeratua, Libanoren, Ekialde Hurbilaren/Mendebaldeko Asiaren eta Mundu arabiarraren lehen Miss Unibertsoa izendatu zuten Georgina.^[6]

Hurrengo urtean, 1972an, Puerto Ricoko Dorado herrian ezin izan zion koroa bere ondorengo Miss Unibertsori eman, gobernuak eragotzi egin baitzion, bere aurkako eraso baten beldur baitzen. Beldur hori Japoniako terrorista-talde baten atentatuak eragin zuen. Atentatuak Iraila Beltza erakundeak entrenatu zituen, eta eraso bat egin zuten Tel Aviveko Nazioarteko Aireportuan, Israelen, non Puerto Ricoko 22 turista hil ziren. Urte hartan, Libanok ordezkaririk ere ez zuen bidali lehiaketara. Georgina Rizken ordez Miss Unibertso 1970 Puerto Ricoko Marisol Malaretek koroatu zuen Kerry Anne Wells Miss Unibertso 1972.

Miss Unibertso 1971ren xehetasunak[aldatu | aldatu iturburu kodea]

Posizioa	Hautagaia	Herrialdea
Miss Unibertso 1971	Georgina Rizk	Libano
2. postua	Suzanne Rayward	Australia
3. postua	Pirjo Laitila	Finlandia
4. postua	Beba Franco	Puerto Rico
5. postua	Eliane Guimarães	Brasil

Miss Unibertsoren ondorengo bizitza[aldatu | aldatu iturburu kodea]

Rizk ospetsu egin zen bere herrialdean, eta gobernuak postalen zigiluekin omendu zuen.

Rizk zineman aritu zen, bertako hiru film eginez, eta epaile izan zen hurrengo Miss Líbano lehiaketetan. 1979an Rizk sei hilabeteko haurdun zegoela, Ali Hassan Salameh OLP erakunde palestinarreko kidearen alargun geratu zen, Mosadek (Israelgo inteligentzia agentzietako bat) bonba-auto batekin hil zuenean. Hiru hilabete geroago jaio zen Ali semea. Salamehek eta kultura palestinarrak jarraitutako arau tradizionalen arabera, Rizkek modelo eta aktore izateari utzi zion eta batez ere etxean gelditu zen.

Senar-emazteek Libanoko eta Palestinako beste aberats batzuekin baino ez zutela sozializatzen esaten zen. Hurbileko lagunen arabera, Rizkek ez zuen inolako atxikimendurik Palestinako auziarekin eta ez zuen Palestinako Askapenerako Erakindearen (OLP) alde egiten, Salamehek maitasunarengatik baino ez zuen erakarri. Bere maitasun-harremana 1970eko hamarkadaren erdialdean hasi zen, Libanoko gerra zibilaren goraldian. Yasser Arafat-ek ez zuen begi onez ikusten harremana, argi eta garbi Palestinako tradizio kontserbadorea urratzen zuelako eta Rizkekiko etsaitasuna mantendu zuen.

1990ean ezkondu zen berriro, Libanoko Walid Toufic musikari ospetsuarekin. Bi ume izan zituen harekin, eta gaur egun bikotea Kairon eta Beiruten bizi da.^[7]