Gerezi-aranondo

Wikipedia(e)tik
Hona jo: nabigazioa, Bilatu
Gereziondo-aranondoa
Sailkapen zientifikoa e
Erreinua: Plantae
Kladoa: Angiospermae
Kladoa: Eudicotyledoneae
Kladoa: Rosidae
Ordena: Rosales
Familia: Rosaceae
Generoa: Prunus
Azpigeneroa: Prunus
Espeziea: Prunus cerasifera

Gereziondo-aranondoa (Prunus cerasifera) Prunus generoko zuhaitza da. Prunus generoak 200 espezie baino gehiago ditu, eta guztien berezitasun nabarmena da loraldi goiztiarra eta ikusgarria (neguaren amaieran, eta hostoak sortu aurretik).

Prunus da basaranaren izena latinez; cerasifera izena ere latinetik eratorria da, eta «gerezi» esan nahi du (basagereziondoaren fruituarekin duen antzagatik).

Ezaugarriak[aldatu | aldatu iturburu kodea]

Prunus cerasifera, var. 'Mykla'

Hosto erorkorreko zuhaitz txikia da gerezi-aranondoa, 8 m garai nekez gainditzen duena. Zuhaitzaren adaburua zabala eta goranzkoa da.

Zurtoina – Azala[aldatu | aldatu iturburu kodea]

Gerezi-aranondoaren azala leuna eta marroi iluna da.

Hostoak[aldatu | aldatu iturburu kodea]

Hostoak sinpleak, txandakatuak, obalatuak eta meheki horzdunak dira, purpura kolorekoak.

Loreak[aldatu | aldatu iturburu kodea]

Martxotik maiatzera loratzen da gerezi-aranondoa. Loreak -zuriak edo arrosak- bakarka edo multzo txikitan sortzen dira, hostoak baino lehen.

Fruituak[aldatu | aldatu iturburu kodea]

Fruituak udan heltzen dira, eta gerezi txikien antzeko drupa gorriak dira.

Habitata[aldatu | aldatu iturburu kodea]

Jatorriz, Asiako mendebaldekoa da gerezi-aranondoa, baina beste herrialde askotan kultibatu dute espezie apaingarri gisa.

Erabilera[aldatu | aldatu iturburu kodea]

Lorategiak eta parkeak apaintzeko erabiltzen da: gerezi-aranondoaren hostoek kolore purpura dute, eta loraldia -Prunus generoko beste zuhaitzetan bezala- goiztiarra eta ikusgarria da.

Fruituak gordinik jan daitezke, edo marmeladak eta jeleak egiteko erabili.

Erreferentziak[aldatu | aldatu iturburu kodea]

  • Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.


Commons-logo.svg
Commonsen badira fitxategi gehiago, gai hau dutenak:
Gerezi-aranondo