Giuseppe Di Stefano

Wikipedia, Entziklopedia askea
Hona jauzi: nabigazioa, Bilatu
Giuseppe Di Stefano
Giuseppe di Stefano - 1983.jpg
Bizitza
Jaiotza Motta Sant'Anastasia1921eko uztailaren 24a
Herrialdea  Italia
Heriotza Santa Maria Hoè2008ko martxoaren 3a (86 urte)
Hezkuntza
Hizkuntzak italiera
Lanbidea
Lanbidea opera abeslaria eta abeslaria
Ahots mota tenorra
IMDb nm0224339
http://www.giuseppedistefano.it/

Giuseppe Di Stefano (Catania, Sizilia, Italia, 1921eko uztailaren 24a - Milan inguruan, Italia, 2008ko martxoaren 3a) italiar tenorra izan zen.

Biografia[aldatu | aldatu iturburu kodea]

Bere herriko Bellini Kontserbatorioan ikasi ondoren, Milanera eta Erromara joan zen, opera-ikasketak egitera. Gerraosteko urte latzetan, Arturo Toscaniniren laguntza jaso zuen, eta 1946an kantatu zuen lehen aldiz, Masseneten Manon opera. Arrakasta itzela izan zuen, eta harrezkero, 1950eko eta 1960ko hamarraldietako opera-kantari onentzat hartu zuten, Mario del Monacorekin batera.

Munduko opera-antzoki nagusietan, eta bere garaiko opera-kantari handienekin kantatu zuen: Renata Tebaldirekin, Anita Cerquettirekin eta batez ere Maria Callasekin. Obrarik ezagunenetako protagonista izan zen: Donizettiren L'elisir d'amore eta La Favorita; Masseneten Manon eta Werther; Verdiren Rigoletto eta La Traviata, eta, oro har, obra liriko guztietakoa. 1991n, omenaldia egin zioten Milango Scalan; garai hartako abeslaririk onenek parte hartu zuten bertan.

Erreferentziak[aldatu | aldatu iturburu kodea]