Hale Smith

Wikipedia, Entziklopedia askea
Hona jauzi: nabigazioa, Bilatu
Hale Smith
Bizitza
Jaiotza Cleveland1925eko ekainaren 29a
Herrialdea  Ameriketako Estatu Batuak
Talde etnikoa afro-amerikarra
Heriotza 2009ko azaroaren 24a (84 urte)
Lanbidea
Lanbidea musikagilea, piano-jotzailea, musikologoa, music arrangerra, musika-irakaslea eta jazz musikaria
Genero artistikoa opera
Musika instrumentua pianoa

Hale Smith (Cleveland, Ohio, AEB, 1925eko ekainaren 29a - Freeport, New York, AEB, 2009ko azaroaren 24a) estatubatuar musikagilea izan zen.

Biografia[aldatu | aldatu iturburu kodea]

Piano-ikasketak 7 urte zituela hasi zituen. Musika klasikoan eta jazz-musikan nabarmendu zen ikasle-garaian, eta Clevelandeko Musika Institutuan lizentzia eta masterra eskuratu zituen. Musika-genero askotarako zaletasuna erakutsi du, eta maisutasunez erabili ditu musika klasikoaren baitan jazzaren teknikak eta berrikuntza modernoak, adibidez serialismoa.

1958an New Yorkera aldatu zen, eta musika-editore, jazz-egokitzaile eta hezitzaile gisa lan egin zuen. 1970-1984 bitartean musika-irakasle izan zen Connecticuteko Unibertsitatean.

Bere lan nagusien artean aipagarria da Langston Hughes eta Russell Atkinsekin batera idatzitako In Memoriam--Beryl Rubenstein (1953) abesbatza eta orkestrarako lana. Urte hartan bertan ganbera-opera bat eman zuen argitara, Blood Wedding. Obra instrumentalen artean azpimarratzekoak ditu "Cellorako sonata" (1955) eta Epicedial Variations (1956), biolin eta pianorako. 1964an By Yearning and by Beautiful idatzi zuen harizko orkestrarako eta ondoren egin zituen, besteak beste, Comes Tomorrow jazzeko kantata (1972), "Harizko boskoterako bariazioak" (1976), Evocation pianorako pieza (1970), eta soprano, baritono eta orkestrarako Meditations in Passage (1980).

Bere karreran zehar beste hainbat musikarirekin lankidetzan jardun du, adibidez Dizzy Gillespie, Quincy Jones, Miriam Makeba eta Hugh Masekelarekin.

Erreferentziak[aldatu | aldatu iturburu kodea]