Wikipedia, Entziklopedia askea
Jesus Gaztañaga Garmendia —izengoitiz Ertziñape edota Aizarna-zale— (Asteasu, Gipuzkoa, 1932ko abenduaren 2a - Tolosa, Gipuzkoa, 1992) euskal idazlea izan zen. Gasteizko eta Donostiako apaizgaitegietan egin zituen apaiz-ikasketak. Euzko Gogoa, Jakin, Zeruko Argia, Goiz Argi, Laiaketan eta Olerti aldizkarietan eman zituen argitara lan aipagarrienak 1956. urteaz geroztik. Jainkoaren erria eta Eliz Misterioa idatzi zuen P. Zabaletarekin batera. Gaztañagarena eta Nemesio Etxanizena da Aladino eta Munchausen-go jaunaren egintzak liburuen euskal bertsioa. Kardaberaz taldekoa eta Euskerazaintza elkartekoa izan zen.
Gipuzkoa, Euskal Herria
Datuak: Q12260347